Lokali
ARA: Il-PM iħabbar li Malta se tospita l-ewwel konferenza tal-Commonwealth għall-investiment dirett barrani

F’Londra, bdiet ġimgħa ta’ attivitajiet li se tlaqqa’ flimkien mexxejja mit-53 pajjiż tal-Commonwealth. L-ewwel tliet ijiem huma iddedikati għal fora dwar il-kummerċ, is-soċjetà ċivili, in-nisa u ż-żgħażagħ. Id-delegazzjoni tal-Gvern Malti kienet impenjata fil-Business Forum, bil-Prim Ministru Joseph Muscat jgħid li l-prosperità mhix biss dwar l-indikaturi ekonomiċi imma wkoll dwar it-tfassil tal-ġejjieni għaċ-ċittadini. F’laqgħa, uffiċċjal tal-Commonwealth ta marki tajbin ħafna lil dak li għamlet Malta għal din l-organizazzjoni mindu organizzat ic-CHOGM f’Novembru 2015.

Fil-ftuħ tal-Business Forum, iċ-Chairman tal-Kunsill tal-Commonwealth għall-Intrapriża u l-Investiment, Lord Marland, stqarr li sentejn u nofs ilu l-organizazzjoni kienet f’salib it-toroq, fost tħassib dwar il-ġejjieni tagħha.

Lord Marland qal li “it is fair to say that Malta CHOGM was the springboard for a whole bunch of initiatives.”

Quddiem 800 delegat, bejn uffiċċjali eżekuttivi ta’ kumpaniji u rappreżentanti ta’ gvernijiet, Lord Marland qal li t-tmexxija tal-Prim Ministru Joseph Muscat bħala Chair in Office tal-Commonwealth tat il-ħajja lill-organizazzjoni fosthom bħala forza għall-kummerċ.

Lord Marland qal li “this could not have been possible without the leadership of the Prime Minister of Malta and I think we owe him a huge debt for getting the Commonwealth back on its feet.”

Il-Business Forum qed jitlaqqa’ fil-GuildHall, binja medjevali fiċ-ċentru finanzjarju tal-kapitali Ingliża. Fis-sessjoni tal-bidu, il-Prim Ministru Joseph Muscat tkellem dwar kif qed jerfa’ rasu l-protezzjoniżmu bil-konsegwenza li jinħolqu barrieri fil-kummerċ.

Il-Prim Ministru Joseph Muscat qal li “the economic growth that flourished during this period and the values that we take for granted, fair trade, open markets and multilateral institutions face unprecedented challenges.”

Dr Muscat qal li l-Commonwealth hu eżempju tajjeb għal kisbiet li jistgħu isiru permezz ta’ sħubija internazzjonali. Ippreżenta l-każ favur ekonomija miftuħa bir-riżultati miksuba minn Malta li qal għat-tieni sena nfila kellha surplus fil-budget, il-qgħad hu fl-anqas livelli fl-istorja u t-tkabbir ekonomiku jaqbeż is-7% fis-sena, kważi tliet darbiet aktar mill-medja fiż-żona Ewro.

“Malta is proof that embracing open borders – for both people and goods – is the route to prosperity” stqarr il-Prim Ministru.

Dr Muscat appella lill-pajjiżi biex jirregolaw setturi innovattivi u semma dak li qed tagħmel Malta fil-qasam tat-tekonoloġiji Blockchain.

Joseph Muscat stqarr li “blockchain based technologies is just one of the sectors that we are creating through regulation. If a country of half a million can benefit from this, imagine the shifts that these innovative technologies can bring about in a bloc of over 2 billion people.”

Għall-Business Forum, il-Gvern Malti jinsab rappreżentat mill-Ministri Chris Cardona u Ian Borg u s-Segretarju Parlamentari Silvio Schembri.

Il-Business Forum jintemm nhar l-Erbgħa iżda l-ħidma se tissokta f’Malta s-sena d-dieħla, bil-Prim Ministru jħabbar li Malta se tilqa’ l-ewwel konferenza tal-Commonwealth dwar l-investiment dirett barrani li għaliha se jkunu mistiedna aġenziji ta’ gvernijiet, rapprezentanti ta’ intrapriżi żgħar u medji u korporazzjonijiet internazzjonali.

Indirizzat ukoll lid-delegati l-Prim Ministru tar-Renju Unit Theresa May f’ġurnata b’aġenda ppakkjata bejn seduta parlamentari fejn wieġbet għad-domandi tad-deputati dwar is-sehem tal-Ingilterra fl-attakki mill-ajru fuq is-Sirja u l-attivitajiet tac-CHOGM. Fid-diskors fil-Business Forum, May antiċipat ix-xenarju ta’ wara Brexit u enfasizzat il-benefiċċji ta’ kummerċ ħieles fejn il-pajjiżi tal-Commonwealth.

Theresa May qalet li “the Commonwealth has never just been about heads of state and government. It has always been an organisation in which people and businesses from around the world can come together and work together to improve all our lives”.

Aħbarijiet Oħra
Lokali

Id-dislessja – kundizzjoni li tfixkel lill-persuna biex titgħallem taqra minhabba li ma tagħrafx uħud mill-ittri u simboli, hi meqjusa bħala ostaklu fil-proċess edukattiv, għalkemm illum hemm mezz ta’ għajnuna biex…

Annimali

Liġi ġdida qed toffri aktar setgħa fil-ħarsien tal-annimali, partikolarment il-klieb li kienu jinżammu marbutin il-ħin kollu b’katina, billi dan il-kunċett issa hu projbit. Madanakollu, id-Direttur għall-Ħarsien tal-Annimali saħaq li l-klieb…

Statistika

Illum huwa l-Jum Ewropew tal-Istatistika, li qed jiġi ċċelebrat għat-tielet darba. Dan il-jum joħroġ aktar fid-deher il-valur tal-istatistika uffiċjali, li f’Malta tinġabar mill-Uffiċċju Nazzjonali tal-Istatistika. Tliet snin bogħod mill-akbar eżerċizzju…

Infrastruttura

Simpożju organizzat minn Wirt Iż-Żejtun iffoka fuq l-iżvilupp matul iż-żminijiet tar-raħal Malti, fost l-oħrajn bis-sehem ta’ professur Ingliż, li rriċerka dwar l-irħula Maltin. Fis-simpozju, il-Ministru għall-Kultura Owen Bonnici ħabbar li…

Aktar