Budget
AĠĠORNAT: Persuni b’kundizzjonijiet mentali u terminali se jikkwalifikaw għal benefiċċji mhux kontributorji – PM

F’reazzjoni wara l-Budget, il-Prim Ministru Joseph Muscat iddeskriva l-Budget bħala wieħed li ta lil kulħadd u ma ħa xejn lil ħadd, filwaqt li elenka miżuri oħrajn li se jolqtu n-nies imma li ma ssemmewx fil-Budget.

Il-Prim Ministru Joseph Muscat ddeskriva dan il-Budget bħala wieħed li ta lil kulħadd u ma ħa xejn lil ħadd. Dr Muscat qal li fost il-miżuri li ma ssemmewx fil-Budget hemm li l-Gvern se jipprovdi stipendju lil żgħażagħ ta’ aktar minn 23 sena, li qegħdin fuq il-benefiċċji soċjali u jiddeċiedu li jerġgħu jmorru jistudjaw. Dr Muscat qal li dawn l-istudenti se jibqgħu jieħdu l-benefiċċji soċjali, u magħhom stipendju ekwivalenti tal-paga minima.

F’konferenza tal-aħbarijiet fi Pjazza Kastilja, Dr Muscat qal li l-Gvern se jżid l-in-work benefit, bejn €50 u €100 għal kull wild, meta persuna tidħol fid-dinja tax-xogħol. Dr Muscat qal ukoll li persuni b’kundizzjonijiet mentali u terminali se jikkwalifikaw għal benefiċċji mhux kontributorji ġaladarba jikkwalifikaw mit-testijiet tal-mezzi. Dr Muscat qal li se tiżdied il-pensjoni għall-ħaddiema tal-Gvern li rtiraw qabel l-2008 u ta’ dawk li kienu jaħdmu l-Libja.

Dr Muscat qal li ż-żieda fiċ-children’s allowance tmur id f’id mal-pjani tal-Gvern biex jeqred il-faqar.

Il-Prim Ministru qal “sas-sena d-dieħla nkunu wasalna għall-ewwel policy objective kbir ta’ dan il-Gvern jiġifieri li l-ebda tifel jew tifla li jgħixu f’familja fejn mill-inqas persuna waħda taħdem ma tkunx ikklassifikata li tgħix in poverty jew material deprivation.”

Mistoqsi minn TVM dwar il-prekarjat fis-settur privat, Dr Muscat qal li l-Gvern beda jindirizza din il-kwistjoni biż-żieda ta’ €3 fil-ġimgħa għall-ħaddiema li jkunu ilhom bil-paga minima għal sena. Dr Muscat stieden għal diskussjoni dwar jekk il-ħaddiema kollha għandhomx jissieħbu f’union b’mod obbligatorju. Dwar iż-żieda fil-prezzijiet tal-ikel, Dr Muscat qal li l-Gvern jirrikonoxxi li hemm min ibati u l-Gvern se jkun qed jgħin lil dawn il-familji biex jimxu ‘l quddiem. Dwar it-trakka tal-karozzi, Dr Muscat qal li l-Gvern qed jidentifika post b’ħarsien sħiħ lejn l-ambjent.

Aħbarijiet Oħra

Aktar minn 86% tal-MEPs issa huma eleġibbli jivvotaw favur l-Att dwar is-Servizzi Diġitali. Dan qalu l-MEP Alex Agius Saliba wara sena ħidma fuq ir-Rapport Leġiżlattiv dwar l-Att tas-Servizzi Diġitali Ewropew fejn saru…

Sharon Ellul Bonici tilfet lil Zakk it-tifel iż-żgħir tagħha. Fuq Facebook, hija qasmet din l-aħbar ta’ qsim il-qalb u qalet li l-ebda omm m’għandha tgħaddi mit-telfa ta’ binha. Kompliet tikteb…

Tħabbret il-mewt tal-eks Kummissarju Elettorali Ewlieni Joseph Church fl-eta’ ta’ 65 sena wara li kellu problemi ta’ saħħa. Is-sur Church irtira mill-kariga f’Lulju li għadda wara li serva fl-irwol ta’…

L-MUT fi stqarrija qalet li kull deċiżjoni li ttieħdet min-naħa tal-union saret għas-saħħa u s-sigurta tal-istudenti, l-edukaturi u l-familji. F’reazzjoni għall-aħbar li tressaq protest ġudizzjarju kontra l-MUT u l-UPE fid-dawl…

Aktar