Elezzjoni
Il-PM jgħid li eluf ta’ ħaddiema se jingħataw kumpens tal-inġustizzji li sofrew

Il-Prim Ministru u Mexxej Laburista Joseph Muscat qal li l-iskema biex jingħataw ħlasijiet lill-eluf ta’ ħaddiema approvata mill-Kabinett saret biex issir ġustizzja ma’ iktar ħaddiema f’diversi oqsma fosthom ex ħaddiema tal-korpi, ex ħaddiema tax-xatt u nies li kienu jaħdmu ma’ dirgħajn il-Maltin.

F’attività politika fiż-Żejtun, il-Prim Ministru Muscat fisser kif għalkemm seta’ kien hemm min legalment m’għandux raġun, il-Gvern xorta ħass li għandu raġuni morali u għandha ssir ġustizzja magħhom ukoll.

Il-Prim Ministru qal li l-Gvern, għalkemm jista’ jkollu elf difett, għandu l-ikbar preġju – dak li se jibqa’ Gvern viċin in-nies u li jisma’ lill-familji biex ikun jista’ jagħmel deċiżjonijiet fl-aħjar interess tagħhom.

Huwa qal li kien għalhekk li matul dawn l-aħħar ġimgħat tkellem dwar l-ikbar prijorità – il-kwalità tal-ħajja u l-ħin li wieħed ikollu mal-familja tiegħu.

Fakkar kif illum il-Kummissjoni Ewropea, xandret statistika li wriet li l-Maltin qed iħallsu r-raba’ l-inqas kontijiet tad-dawl fl-Ewropa kollha u li kien għal ħaddieħor Malta għadha l-ogħla b’kontijiet li kienu se jiżdiedu xi tlett darbiet fis-sena, għax kellhom sistema falluta li topera b’żejt li jħammeġ.

Qal li r-roħs fil-kontijiet kienet sfida kbira, u li l-Partit Nazzjonalista għamel ħafna gambetti biex il-familji jibqgħu jħallsu kontijiet għolja nfern.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar