Saħħa
Il-PM jħabbar li l-Gvern qed jaħdem mal-Università ta’ Queen Mary fuq strateġija dwar is-saħħa

Jinsab fi stadju avvanzat ix-xogħol fuq l-Iskola Medika ta’ Barts biswit l-Isptar Ġenerali ta’ Għawdex. Waqt żjara li l-Prim Ministru Joseph Muscat għamel fuq ix-xogħlijiet qal li l-Ministeru għas-Saħħa qed jaħdem mal-Università ta’ Queen Mary f’Londra fuq strateġija fit-tul għall-qasam tas-saħħa. L-investiment fuq il-proġett tal-iskola medika ta’ Barts f’Għawdex ilaħħaq is-26 miljun ewro u l-bini mistenni jitlesta fi ftit xhur oħra.

Il-binja tal-iskola Medika ta’ Barts f’Ghawdex hija maqsuma fuq erba’ sulari u mgħammar bl-iktar faċilitajiet moderni. Il-kumpless tal-iskola medika ta’ Barts, jinkludi żewġ laboratorji, awditorju kbir, klassijiet għal-lectures, u kmamar apposta għat-taħriġ. Bdiet tinbena ftit iżjed minn sena ilu b’investiment li jiskorri s-26 miljun ewro u uffiċjali ta’ Steward Healthcare, qalu li mistennija tilqa’ l-ewwel studenti f’Settembru li ġej.

Fi żjara fuq ix-xogħlijiet, il-Prim Ministru Joseph Muscat qal li fi ftit aktar minn sena sar progress enormi biex inbena dan iċ-ċentru għat-taħriġ tat-tobba li fi kliemu huwa l-uniku fil-Mediterran. Qal li dan l-investiment ta’ Barts u l-Università Queen Mary ta’ Londra fil-gżira Għawdxija hu sinjal ċar tal-impenn lejn pajjiżna. Dr Muscat qal li l-pass li jmiss huwa li ssir starteġija fit-tul għall-qasam tas-saħħa. Għal dan il-għan qal il-Prim Ministru, il-Ministeru għas-Saħħa qed jaħdem id f’id mal-Università Queen Mary.

”The Queen Mary University of London will be expanding their presence in Malta and will venture in new academic fields and areas at Masters Levels and according to future skill gaps which have been identified.”

Il-Prim Ministru Muscat esprima l-fehma li bl-Iskola Medika ta’ Barts u l-investiment minn Steward Healthcare fl-isptar, Għawdex se jkun ċentru internazzjonali ta’ tagħlim u turiżmu mediku. Dr Muscat qal li b’dan il-mod l-ekonomija f’Għawdex tkompli tikber b’mod sostenibbli. Huwa qal li t-tlestija tal-iskola ta’ Barts ikompli mal-proġetti li diġà tlestew fosthom iċ-ċentru tal-anatomija li ġie inawgurat f’Diċembru li għadda u l-laboratorji tal-padologija ta’ Steward Helath Care li ġew inawgurati dil-ġimgħa stess.

 

 

Aħbarijiet Oħra
Lokali

Il-kumpanija tal-gaming BET365 ikkonfermat il-pjan tagħha biex tkabbar l-operat tagħha f’Malta billi tirriloka wħud mill-attivitajiet tagħha minn Ġibiltà lejn Malta. Il-kumpanija li kellha uffiċini f’Malta u f’Ġibiltà b’liċenzja biex topera…

Partit Nazzjonalista

Il-Partit Nazzjonalista qal li l-Ombudsman laqa’ t-talba tiegħu u lest jinvestiga l-kontijiet tad-dawl u l-ilma li l-famiji qed ikollhom iħallsu. Il-Viċi Kap Nazzjonalista David Aguis flimkien mal-kandidati għall-elezzjoni tal-Parlament Ewropew…

Storja

Fl-2018 saru s-siti storiċi ta’ Heritage Malta 1.6 miljun turist, żieda ta’ madwar 400,000 ruħ meta mqabbel mas-sena ta’ qabel.  Din iż-żieda fil-viżitaturi tirrifletti wkoll fid-dħul finanzjarju tal-aġenzija li s-sena…

Edukazzjoni

Il-Gvern għadda lill-Università ta’ Malta madwar sittin tomna ta’ art, bil-Prim Ministru Joseph Muscat jgħid li dan huwa l-ikbar investiment kapitali li qatt sar fl-Università. B’dan il-ftehim, l-Università ta’ Malta…

Aktar