Riċerka u Innovazzjoni
Ara minn ġewwa l-Hub tal-Innovazzjoni fix-Xewkija

Il-qasam industrijali tax-Xewkija kompla jiġġedded u fuq medda ta’ 9,000 metru kwadru, l-Malta Enterprise flimkien mal-Ministeru ta’ Għawdex żviluppa dak li qed isejjaħ bħala l-Hub tal-Innovazzjoni, li se jipprovdi spazju industrijali ġdid għal kumpaniji tat-teknoloġija u l-innovazzjoni. Il-binja, li qabel kienet fabbrika tal-ħalib, ġiet trasformata f’ċentru li fih diġà qed joperaw kumpaniji min-Noovle Group, u J2Group2 li hija kumpanija Għawdxija li ngħaqdet ma’ Microsoft, biex jaħdmu fil-qasam tal-intelliġenza artifiċjali u data analytics fost proċessi innovattivi oħra, kif spjega l-Kap Eżekuttiv tal-Malta Industrial Parks Karl Azzopardi.

“Dan hu proġett immirat biex jilħaq kumpaniji li qed jaħdmu fuq joint ventures, fejn jidħlu data, AI, u internet. Prattikament nafu li hemm ekonomija partikolari u d-dinja tal-manifattura wkoll riesqa ‘l hemmhekk. Ovvjament hija intenzjonata li dawn il-kumpaniji ikunu qed joperaw fejn qed jgħidulu disruptive technology.”

Fl-inawgurazzjoni, l-Prim Ministru Joseph Muscat qal li dan il-proġett huwa ħolqa importanti fil-viżjoni tal-Gvern li jagħmel minn Għawdex mutur ekonomiku sostenibbli għall-pajjiż kollu. Dr Muscat qal li l-Gvern qed jassoċja lil Għawdex mal-innovazzjoni u impjiegi li jħallsu tajjeb u li jtejbu l-livell ta’ għajxien tal-ħaddiem f’Għawdex. Huwa qal li l-Gvern qed iħares lejn l-innovazzjoni mhux biss bħala ċ-ċavetta tal-futur, iżda tal-preżent, biex isiru kontribuzzjonijiet f’oqsma bħas-saħħa, l-edukazzjoni, it-turiżmu, it-traffiku, il-loġistika, u s-sigurtà.

Il-Prim Ministru qal li mill-2012 ‘l hawn, l-Għawdxin li jaħdmu f’Għawdex stess żdiedu b’aktar minn tliet elef. Hu qal li kull ġimgħa, kien hemm żieda ta’ għaxar impjiegi bil-maġġoranza tagħhom fis-settur privat.

Il-Ministru għal Għawdex Justyne Caruana qalet li b’dan il-proġett nħolqot destinazzjoni prestiġġjuża biex l-innovazzjoni tikber mingħajr xkiel.

Il-Ministru tal-Ekonomija, Chris Cardona, qal li dan l-investiment flimkien mat-tieni fibre optic cable, huma simboli importanti tal-bidla ekonomika li qed is-seħħ.

Aħbarijiet Oħra
Immigrazzjoni

Il-Membru tal-Qorti Ewropea tal-Awdituri, Leo Brincat, qal li s-sitwazzjoni ta’ persuni li qed ifittxu l-ażil f’pajjiżi bħall-Italja u l-Greċja, sejra mill-ħażin għall-agħar. Is-Sur Brincat, li kien l-awtur tar-rapport tal-Qorti Ewropea…

Ippjanar u bini

Applikazzjoni kontroversjali għal żvilupp fuq sit ta’ villa storika tas-seklu tmintax fiż-Żejtun, ġiet irtirata mill-iżviluppatur. L-applikazzjoni kienet qed titlob li l-Awtorità tal-Ippjanar tibdel iż-żona fejn tinsab Villa Bonici minn waħda…

Lokali

Il-Kap tal-Oppożizzjoni Adrian Delia, saħaq li l-Istat Malti għandu jagħmel użu mill-mezzi u l-proċeduri kollha għad-dispożizzjoni tiegħu skont il-liġi, inkluż dawk ta’ natura eċċezzjonali biex jinqabad min ordna, iffinanzja, u…

Lokali

Il-Prim Ministru Joseph Muscat qal li ffirma ittra li permezz tagħha kkommetta ruħu li jirrakkomanda maħfra Presidenzjali ġaladarba suspettat li kien involuta fil-komplott tal-qtil ta’ Daphne Caruana Galizia, jikxef dak…

Aktar