Lokali
Il-PM jinawgura l-pixxina l-ġdida tal-waterpolo f’Birżebbuġa

Il-Prim Ministru Joseph Muscat illejla inawgurata l-pixxina ġdida tal-waterpolo f’Birżebbuġa. Dan il-proġett, li tlesta wara tliet snin, sewa madwar żewġ miljuni u nofs. Il-kumpless jinkludi fost oħrajn ristorant u anki faċilitajiet ta’ gym.

Il-President tal-Birżebbuġa Aquatic & Sports Club, George Farrugia, iddeskrieva l-proġett bħala ħolma li n-nies ta’ Birżebbuġa ilhom jistennewha aktar minn għaxar snin.

“It-tfal fl-aħħar għandhom faċilità flimkien issa mal-faċilitajiet sportivi tal-futbol, fejn ninġabru. Jien rabbejt lit-tifla hawn, u meta kont naraha ħierġa minn xi bar jew każin, kienet tgħdli ‘Pa, fejn tridni mmur?’ Illum niżżu ħajr lil Alla se jkollhom fejn imorru u jużaw l-enerġija tagħhom għall-isports, u nisperaw għall-unuri sportive”, qal George Farrugia minn Birżebbuġa Aquatic & Sports Club.

Waqt l-inawgurazzjoni tal-proġett, il-Prim Ministru Joseph Muscat qal li r-residenti ta’ Birżebbuġa għadhom isofru ħafna inkonvenjenza minħabba attività industrijali qawwija, u l-Gvern huwa impenjat li joffri kumpens bi proġetti simili bħall-grawnd tal-futbol, u l-bini mill-ġdid tal-promenade.

Dr Muscat wera sodisfazzjon li anki l-ambjent f’dawn l-inħawi qed jingħata prijorità permezz tal-qalba għall-gass tal-power station ta’ Dellimara u l-iżmantellar tat-tanikijiet tal-fuel.

Il-Ministru għall-Infrastruttura, Joe Mizzi, qal li dan il-proġett tlesta fil-ħin u skont il-budget allokat. Qal li dan il-proġett huwa xhieda tal-ħidma konġunta bejn ministeri differenti.

Is-Segretarju Parlamentari għall-Isports, Chris Agius, qal li minkejja li kienet triq twila, il-Gvern ma qatax qalbu u żamm kelmtu. Żied li proġetti bħal dawn jgħinu aktar liż-żgħażagħ biex jidħlu fid-dinja tal-isports u jagħmlu isem għal Malta.

Aħbarijiet Oħra
Ambjent

Riċerkatur Malti sab l-ismijiet ta’ kważi elf wied f’Malta, Għawdex u Kemmuna. Jispjega li fost affarijiet oħra, l-ismijiet tal-widien f’Malta huma klassifikati fi tlieta; dawk ġejjin minn ismijiet tan-nies, ta’…

Stejjer Umani

Velimir Dulo mis-Serbja, ilu Malta aktar minn sentejn jaħdem bħala technician. Fis-Sajf li għadda ingħaqdu miegħu martu u ż-żewġ uliedu, fosthom Nevena Dulo ta’ 11-il sena li anke bdiet tattendi…

Protezzjoni Ċivili

Id-Dipartiment tal-Protezzjoni Ċivili ffirma ftehim ta’ koperazzjoni mas-Singapore Civil Defence Force. B’dan il-ftehim l-forzi tal-protezzjoni ċivili ta’ Singapore se jipprovdu espert tagħhom b’xejn lid-dipartiment tal-protezzjoni ċivili, fosthom għat-tfassil ta’ pjan…

Lokali

Il-kuntistabbli Ryan Paul Tonna, li miet ħabta u sabta meta faga fl-ikel wara maratona fl-Italja, qal li beda l-atletika minħabba f’ibnu biex ikun ta’ eżempju tajjeb għalih. F’messaġġ fuq il-paġna…

Aktar