Lokali
Il-PM jirrispetta l-analiżi tad-delegazzjoni tal-PE iżda ma jaqbilx mar-rapport

F’kummenti lil timesofmalta b’reazzjoni għar-rapport u għall-kummenti tal-Kap tal-Oppożizzjoni, il-Prim Ministru Joseph Muscat qal li l-membri tal-Parlament Ewropew li kitbu r-rapport kienu diġà ddeċidew x’se jgħidu qabel waslu Malta f’Novembru li għadda.

Mistoqsi hux se jneħħi lill-persuni mplikati fil-Panama Papers kif irrakkomandawlu l-Ewroparlamentari, Dr Muscat qal li huwa l-Gvern li jieħu d-deċiżjonijiet u waqt li jirrispetta l-analiżi tagħhom, ma jaqbilx mar-rapport. Qal li kien ikun aħjar kieku d-delegazzjoni ġiet Malta qabel il-Parlament Ewropew vvota fuq riżoluzzjoni dwar is-saltna tad-dritt f’Malta.

Dr Muscat qal li fir-rapport laqtu l-fatt li x-xhud Russa Maria Efimova issa qed tgħid li ma kinetx hi s-sors oriġinali ta’ Daphne Caruana Galizia fl-allegazzjonijiet dwar l-kumpanija Egrant. Il-Prim Ministru qal li fil-fatt m’hemm ebda sors għall-istorja li l-Egrant hija ta’ martu.

Ara wkoll:

ARA: Ir-reazzjoni ta’ Adrian Delia dwar ir-rapport tal-PE u l-każ ta’ Stephen Spiteri

Aħbarijiet Oħra

Il-proġett ‘Breaking the Cycle of Violence’ għandu l-għan li jgħin lil nisa vulnerabbli li jinsabu f’riskju akbar ta’ vjolenza domestika jew vittmi biex ikissru ċ-ċiklu tal-vjolenza. Il-proġett identifika erba’ gruppi fil-mira…

L-awtoritajiet tas-saħħa ħabbru li fl-aħħar 24 siegħa 21 persuna f’Malta ħarġu pożittivi għall-Covid-19 minn fost 2,326 swab test. Ħabbru wkoll li 54 ruħ ġew dikjarati li fiequ mill-virus biex issa…

Il-Qorti ċaħdet il-mandat t’inibizzjoni mitlub mill-Malta Union of Teachers (MUT) b’rabta mar-rappreżentanza tal-akkademiċi fl-Università ta’ Malta u fil-Junior College. L-MUT talbet mandat biex l-Università ta’ Malta u d-Direttur għall-Impjiegi u r-Relazzjonijiet…

Aktar