Il-Prim Ministru Robert Abela qiegħed jieħu sehem f’summit speċjali tal-Kunsill Ewropew, li fuq l-aġenda tiegħu għandu diskussjoni dwar il-baġit tal-Unjoni Ewropea għas-seba’ snin li ġejjin.
Il-Prim Ministru wasal fil-binja tal-Kunsill Ewropew flimkien mal-mexxejja l-oħra tal-Istati Membri tal-Unjoni Ewropea. Huwa jinsab akkumpanjat mis-Segretarju Parlamentari għall-Fondi Ewroprej, Stefan Zrinzo Azzopardi.
In-negozjati fuq dan il-baġit mistennija jkunu diffiċli fl-isfond li diġà hemm nuqqas ta’ ftehim sostanzjali dwar l-ammont globali tal-budget kemm bejn il-mexxejja Ewropew, kif ukoll mal-Parlament Ewropew. Il-pajjiżi meqjusa sinjuri li l-aktar li jikkontribwixxu għall-baġit Ewropew iridu jnaqqsu l-baġit, filwaqt li l-pajjiżi inqas għonja li għadhom qed jiżviluppaw iridu allokazzjoni akbar għall-koeżjoni bil-għan li jilħqu mal-pass tal-iżviluppi tal-pajjiżi l-aktar avvanzati.
Il-Parlament Ewropew ukoll qed jesprimi nuqqas ta’ qbil mal-proposta tal-baġit ippreżentata mill-President tal-Kunsill Ewropew, Charles Michel, li ħa post Donald Tusk.
Il-President tal-Parlament Ewropew, David Sassoli, waqt li rrikonoxxa l-isforzi marbuta ma’ sorsi ta’ dħul ġodda għall-baġit, qal li għad hemm distakk ta’ 230 biljun ewro. Żied jgħid li l-Parlament mhux lest japprova l-baġit kif propost u qed isostni li għandhom jiżdiedu l-fondi.
Mal-wasla tagħha għas-summit, il-President tal-Kummissjoni Ewropea, Ursula von der Leyen, qalet lill-ġurnalisti li tilqa’ l-baġit propost mill-President tal-Kunsill Ewropea Charles Michel li fuqu ser ikun qed jiddiskuti l-mexxej Ewropej inkluż il-Prim Ministru Robert Abela. Sostniet li t-taħditiet se jkunu iebsa, iżda kull riżorsi finanzjarji ġodda se jimmitagaw il-pressjoni.
Wara laqgħa ma’ David Sassoli, il-Kunsill Ewropew qed jiltaqa’ bit-tama li jintlaħaq qbil bejn il-mexxejja tal-Istati Membri fuq baġit li jkun sodisfaċenti għalihom u għall-Parlament Ewropew.
Charles Michel appella lill-partijiet kollha biex jidħlu għan-negozjati bi spirtu ta’ kompromess. Qabel il-ftuħ tal-laqgħa, huwa qal li hemm ħafna tħassib u interessi, li huma kollha validi, iżda esprima l-fehma li fis-sigħat jew il-jiem li ġejjin se jkun hemm progress.
Ara l-Prim Ministru jispjega dwar in-negozjati tal-Budget tal-UE:
Ara wkoll:
Il-ġurnata tal-lum: il-Ġimgħa l-Kbira, tfakkar it-tbatija ta’ persuna waħda elfejn sena ilu. Din is-sena, din il-ġurnata qed tirrifletti t-tbatija ta’ poplu sħiħ. L-aħħar ċirkustanza b’xebħ mal-lum għadha fil-memorja ta’ anzjani…
Wara li l-gvern iddikjara li Malta mhix se taċċetta u tiggarantixxi salvataġġ ta’ aktar immigranti, din il-pożizzjoni twasslet b’mod formali lill-Libja, lill-Italja u lill-Ġermanja f’laqgħat li l-Ministri Evarist Bartolo u…
Persuna waqgħet madwar żewġ sulari għal isfel fix-Xgħajra. Il-Pulizija kienu infurmati bl-inċident fi Triq Dawret ix-Xatt għall-ħabta tal-5.20pm. Fuq il-post issejħu l-Pulizija u ambulanza minn Mater Dei. Id-dinamika tal-inċident għadha…
Messaġġ iebes fuq il-midja soċjali mill-kap tal-infermiera f’Mater Dei, li kkritika bl-aħrax lil dawk li llum iddeċidew li joħorġu minkejja l-pariri tal-awtoritajiet tas-saħħa. Qal li flok purċissjonijiet bl-istatwi llum kien…