Politika
Iwiegħed il-lealtà lill-mexxej il-ġdid u se jibqa’ viċin in-nies
Il-Prim Ministru Joseph Muscat indirizza l-folla li nġabret in-Naxxar fejn qal li ”xogħlna issa li nħarsu ‘l quddiem.” Huwa qal li jinsab kburi b’dan il-moviment u f’dan kollu ”l-aħna akbar mill-jien”.
Dr Muscat qal li refa’ dak li kellu jerfa’ u forsi saħansitra refa’ aktar milli kellu jerfa’. Huwa kompla jgħid li l-moviment ma bediex miegħu u lanqas ser jispiċċa miegħu.
Dr Muscat awgura lil Dr Chris Fearne u Dr Robert Abela għall-kandidatura għat-tmexxija tal-Partit Laburista fejn qal li ser ikollna żmien eċċitanti.  Il-Prim Ministru qal li jħossu kkonfortat li fiż-żewġ kandidati qed jara fihom il-kapaċità li jżommu l-għaqda.
Minkejja l-maltemp, il-moviment li nħoloq se jibqa’ magħqud u mhux ser jispiċċa fit-12 ta’ Jannar iżda ser jissaħħaħ minn dakinhar ‘il quddiem. Dr Muscat qal li jwiegħed il-lealtà inkundizzjonata tiegħu u lill-mexxej il-ġdid iwiegħdu l-lealtà u l-ispazju li jaħdem biex imexxi kif għandu jmexxi. Il-Prim Ministru qal li se jibqa’ viċin tan-nies.

Iż-żewġ kandidati għat-tmexxija tal-Partit Laburista Chris Fearne u Robert Abela ħadu b’idejn xulxin malli waslu ħdejn iċ-Ċentru Laburista tan-Naxxar, l-ewwel minn tliet lokalitajiet li ser iżur il-Prim Ministru u Mexxej tal-Partit Laburista Joseph Muscat dalgħodu.

F’dawn l-attivitajiet politiċi, bit-tema Joseph man-nies, Dr Muscat ser jiltaqa’ man-nies biex jirringrazzjahom tal-appoġġ li tawh fl-aħħar 11-il sena ta’ tmexxija tal-Partit Laburista.

 

Aħbarijiet Oħra
COVID-19

Il-mediċina u l-ikel huma fost l-aktar prodotti essenzjali li mingħajrhom Malta ma tgħaddix fi żmien ta’ pandemija. Tliet xufiera Maltin li jaħdmu ma’ kumpanija lokali tal-loġistika rifsu Malta għall-ewwel darba…

Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Aktar