Politika
“Il-PN hu l-vuċi tal-ġenerazzjonijiet futuri” – il-Kap tal-PN

Il-Kap tal-Oppożizzjoni u tal-Partit Nazzjonalista, Adrian Delia, qal li ta struzzjonijiet lit-team tiegħu biex ikomplu bid-diskussjonijiet dwar it-tibdil fil-klima. Dr Delia qal li l-Partit Nazzjonalista se jibqa’ fuq in-naħa tal-ġenerazzjonijiet futuri u għalhekk se jibqa’ fuq quddiem nett jinsisti għal emerġenza tal-klima b’sens ta’ responsabbiltà anke lejn iż-żgħażagħ.

Il-Kap tal-Oppożizzjoni u tal-Partit Nazzjonalista, Adrian Delia, qal li l-Partit Nazzjonalista ressaq mozzjoni biex jiġi ddikjarat stat ta’ emerġenza tal-klima f’isem il-ġenerazzjoni żagħżugħa u se jibqa’ jaħdem biex jinkiseb kunsens bit-tama li l-ġimgħa d-dieħla l-parlament jivvota favuriha.

Intervistat fuq NET FM, Dr Delia qal li l-Oppożizzjoni trid li tiġi ddikjarata din l-emerġenza biex il-pajjiż ikollu liġijiet li jrid josserva għaliex it-tibdil tal-klima se jolqot lil kulħadd, speċjalment ir-reġjun tal-Mediterran, u l-ġenerazzjonijiet li ġejjin.

Skont Dr Delia, il-Qorti Kostituzzjonali ddikjarat li l-Ministri Chris Cardona, Konrad Mizzi u Edward Scicluna, huma suspettati li kisru l-liġi u għalhekk biss ma tistax iġġiegħlhom jixhdu biex ma jinkriminawx ruħhom. Qal li pajjina mhux normali, għaliex il-Prim Ministru minflok ma jieħu passi kontrihom għax huma ssuspettati mill-ogħla Qorti li huma kriminali, baqa’ ma qal xejn.

Il-Kap Nazjonalista qal li fil-kawża li fetaħ lill-Avukat Ġenerali biex jingħata kopja tar-rapport Egrant, il-Qorti Kostituzzjonali ordnat lit-tliet Ministri biex jippreżentaw kopja tar-risposta li ppreżentaw fi proċeduri separati tal-Qorti tal-Maġistrati li fiha kkwotaw silta mir-rapport tal-inkjesta li mhux pubblikata. Dr Delia qal li dan jindika li kellhom ir-rapport, li skont il-Gvern u l-Avukat Ġenerali, qiegħed għand numru ristrett ta’ nies li ma jinkludux lil dawn it-tlett Ministri.

Il-Kap tal-Partit Nazzjonalista qal li fis-summit tal-Partit Popolari Ewropew ġew diskussi l-ħames punti li qajjem dwar l-immigrazzjoni fosthom biex minflok il-burden sharing, il-pajjii Ewropej jimplimentaw politika ta’ shared investiment fil-pajjiżi tal-immigranti ħalli ma jkollhomx għalxiex jitilqu minn pajjiżhom.

Dr Delia qal li l-budget li ressaq il-Gvern hu xhieda ta’ gvern bla pjan u temm jgħid li l-ġimgħa d-dieħla fil-Parlament se jispjega l-viżjoni tal-Partit Nazzjonalista għall-pajjiż ibbażata fuq it-tkabbir ekonomiku serju, u mhux biss biż-żieda tal-popolazzjoni, u bi pjan fit-tul maħsub biex il-ġid li jinħoloq jasal għand kulħadd.

Aħbarijiet Oħra
Ambjent

Il-Gvern qed ifassal abbozz ta’ liġi biex Malta jkollha Qorti tal-Ambjent fejn jinstemgħu u jiġu deċiżi każi ta’ reati ambjentali. Il-Ministru tal-Ambjent qal li għandu l-kelma tal-avukati li l-abbozz ta’…

Edukazzjoni

Fil-bidu tas-sena d-dieħla, studenti mill-Korea t’Isfel se jibdew jitħarrġu f’Malta biex jiggradwaw bħala tekniċi fil-manutenzjoni tal-ajruplani. L-istudenti se jitħarrġu fl-MCAST wara qbil bejn il-kulleġġ, żewġ kumpaniji privati u l-gvern tal-Korea…

Edukazzjoni

Il-Fondazzjoni LifeCycle għamlet għotja ta’ €25,000 lill-Università għar-riċerka dwar ċesti li jitrabbew fil-kliewi. Riċerkaturi ser jagħmlu stħarriġ dwar il-ġenetika ta’ din il-kundizzjoni li tintiret fil-familji u twassal għal mard serju…

Televiżjoni u Radju

Il-prevedibbli se jsir imprevedibbli waqt l-għodwiet min-nhar it-Tnejn li ġej ma’ Carlo, Gordon u Anna fuq Magic Malta 91.7 FM. It-tliet karattri vivaċi b’livelli varji ta’ esperjenza radjofonika se jieħdu…

Aktar