Politika
Il-PN irid jimplimenta proposti għall-ġid tal-pajjiż

Il-Viċi Kap tal-Partit Nazzjonalista, Robert Arrigo, qal li l-kandidati tal-Partit Nazzjonalista għall-elezzjonijiet Ewropej huma ffukati biex iġibu l-ġid ta’ Malta u Għawdex, u sostna li se jaħdmu biex jimplimentaw proposti għall-ġid tal-pajjiż.

Il-kandidata Roselyn Borg Knight qalet li l-Partit Nazzjonalista ser jinsisti fuq xogħol ta’ kwalità u kundizzjonijiet tajbin għall-ħaddiema. Dwar l-armonizzazzjoni tat-taxxa, Dr Borg Knight qalet li propju għax irid jipproteġi l-impjiegi, il-Partit Nazzjonalista se jibqa’ jirsisti li din għandha tibqa’ deċiżjoni tal-pajjiż.

Il-kandidat Peter Agius qal li l-Partit Nazzjonalista jenfasizza li l-Unjoni Ewropea għandha tkun bħal libsa li tiġina tajjeb, mhux issikkata jew laxka żżejjed. Qal li l-valur tal-familja u tal-ħajja huma importanti għall-Partit Nazzjonalista. Dr Agius qal li din l-elezzjoni għandha sservi biex jitwessgħu l-opportunitajiet tat-tfal u biex bil-kandidati Nazzjonalisti, jinkisbu riżultati għall-familji kollha.

Aħbarijiet Oħra
Lokali

Ir-reklużjoni ta’ priġunieri fil-Faċilità Korrettiva ta’ Kordin għadha meħtieġa? Fl-opinjoni tad-Dekan tal-Fakultà għat-Tisħiħ tas-Soċjetà fl-Università ta’ Malta, il-Professur Andrew Azzopardi, ir-reklużjoni għandha titneħħa għal kollox. Iżda f’għajnejn l-opinjonista Malcolm Seychell,…

Saħħa

Il-mediċina tradizzjonali Ċiniża bdiet eluf ta’ snin ilu, iżda għadha mfittxija sal-lum il-ġurnata, inkluż f’Malta. Eluf ta’ Maltin fl-aħħar snin fittxew it-trattamenti tradizzjonali Ċiniżi fiċ-ċentru mediku Ċiniż. Bl-iffirmar ta’ protokol…

Kronaka

Ir-residenti tal-blokk appartamenti f’Ħal Qormi, fejn seħħ in-nar dalgħodu, ingħataw is-serħan tal-moħħ li jistgħu jibqgħu jgħixu f’darhom. Is-Segretarju Parlamentari għall-Akkomodazzjoni Soċjali Roderick Galdes ikkonferma li wara li l-Awtorità tad-Djar ħadet…

Qorti

Wieħed minn persuni arrestati waqt party fir-Rabat fil-lejl ta’ Santa Marija l-ġimgħa l-oħra, baqa’ miżmum arrestat wara li ġie akkużat li kellu 66 qartas b’sustanza bajda allegatament droga. L-Ingliż, Ralph…

Aktar