Partit Nazzjonalista
Il-PN jgħid li jaqbel li ġew sospiżi l-permessi ta’ twaqqigħ u skavar

Il-Partit Nazzjonalista fi stqarrija wera qbil mad-deċiżjoni li l-permessi ta’ demolizzjoni u skavar ġew sospiżi b’mod temporanju sakemm jidħlu fis-seħħ regolamenti u proċeduri ġodda li b’mod serju, ikkordinat u ħolistiku jirregolaw din l-industrija.

Il-Partit Nazzjonalista żied jgħid li l-Gvern irid jerfa’ r-responsabbiltà tiegħu u jara li barra li jkun hemm taħriġ kontinwu adegwat lil kull min hu involut f’dan is-settur, isir liċenzjar u ċertifikazzjoni tal-persuni li jipprovdu servizzi fl-industrija tal-bini u jżid l-infurzar.

Qal li l-Oppożizzjoni lesta taħdem mal-Gvern sabiex flimkien mal-istakeholders involuti isir qafas li jirregolaw l-industrija tal-kostruzzjoni u biex l-Awtorità tal-Bini u l-Kostruzzjoni titwaqqaf u tibda tiffunzjona b’mod tajjeb.

Aħbarijiet Oħra
Sport

Wara s-suċċess tal-atleti Maltin tal-Olimpjadi Speċjali b’rebħ ta’ erbgħin midalja fil-logħob dinji ta’ Marzu li għadda, tissokta ħidmet il-fondazzjoni Marigold biex permezz ta’ din il-pjattaforma tagħti opportunitajiet sportivi lil atleti…

Forzi Armati

Fit-tislima mill-ogħla awtoritajiet lill-monument li jfakkar lil Malta Indipendenti fil-Floriana, dalgħodu spikka s-salut ta’ 21 tir minn kanuni tal-Forzi Armati. Din il-parti taċ-ċerimonja ġibdet l-interess ta’ grupp imdaqqas ta’ Maltin…

Kultura

Il-Main Guard, it-toroq u l-bjar taħt il-Belt u The Fortress Builders huma tliet siti li għaddew f’idejn Heritage Malta, l-aġenzija nazzjonali li tħares il-wirt storiku u kulturali tal-pajjiż. F’konferenza tal-aħbarijiet…

Politika

Malta, permezz tal-ambaxxatur għan-Nazzjonijiet Magħquda, Carmelo Inguanez, qiegħda tippresiedi wħud mis-sessjonijiet tal-74 sessjoni tal-Assemblea Generali tan-Nazzjonijiet Magħquda. Dan wara li għall-ewwel darba wara tmintax-il sena, Malta intgħażlet bħala wieħed mill-Viċi…

Aktar