Kronaka
Il-PN jgħid li jinsab diżgustat li l-Prim Ministru għadu ma keċċiex lil Joseph Muscat u Konrad Mizzi

Il-Partit Nazzjonalista permezz tal-viċi kap David Agius qal li jinsab diżgustat u xxokajt li l-Prim Ministru għadu ma keċċiex lil Joseph Muscat u Konrad Mizzi.

Qal li dan huwa mument tal-prova u bħala oppożizzjoni qed jistennew lil Prim Ministru jidistakka ruħu mil-każijiet tal-windfarm tal-Montenegro li sewa miljuni lill-enemalta.

Il-kelliem għall-Finanzi Mario De Marco faħħar lil midja li żvelat kuntratti li sejjaħ korrotti waqt li kritika l-istituzzjonijiet li qal naqsu milli jissalvagwardjaw il-fondi tal-istat/ Qal li l-Ministeru tal-Finanzi għandu d-dmir li jassigura li l-fondi tal-poplu jintużaw għall-benefiċju tal-poplu kollu.

Il-kelliem tal-Oppożizzjoni għall-Enerġija Ryan Callus qal li dan huwa settur marid u li ħadd ma jemmen lil Joseph Muscat li qal li ma kien jaf b’xejn.