Partit Nazzjonalista
Il-PN jgħid li l-familji qed jinsterqu fil-kontijiet tad-dawl, il-Gvern jirreaġixxi

Il-Viċi Kap tal-Partit Nazzjonalista, David Agius, qal li l-familji għadhom qed jinsterqu fil-kontijiet tad-dawl minħabba li qed jirċievu kontijiet għoljin u iktar spissi. Il-Viċi Kap Nazzjonalista qal li fl-aħħar ġranet żdiedu n-nies li marru d-Dar Ċentrali bil-kontijiet tad-dawl u l-ilma għoljin ħafna. Qal li persuna minnhom kellha kont ta’ €15,000. Qal li Gvern Nazzjonalista se jagħti lura l-flus misruqa minn dan il-Gvern mill-kontijiet tad-dawl u l-ilma.

Is-sur Agius qal li l-Gvern ħeba mill-Oppożizzjoni l-pjan nazzjonali għall-enerġija u l-klima għall-2030. Qal li f’dan ir-rapport, jingħad li fil-leġiżlatura li jmiss se jkollu jgħolli l-kontijiet tad-dawl u l-ilma minħabba li fl-2022 jiskadi l-ftehim preżenti tal-hedging fuq il-gass.

Il-kandidat Nazzjonalista għall-elezzjonijiet Ewropej, Michael Briguglio, qal li fil-ġimgħat li ġejjin il-Partit Nazzjonalista se jippreżenta proposti dwar l-ambjent, fosthom dwar it-tniġġis tal-ħoss u tad-dawl.

U f’reazzjoni, il-Partit Laburista qal fi stqarrija li l-politika tal-gvern fuq l-enerġija hija favur stabbiltà li żżomm il-prezzijiet baxxi u tati serħan il-moħħ lill-familji.

Il-Gvern min-naħa tiegħu qal li l-kontijiet tad-dawl għadhom qed jinħadmu bis-sistema li bdiet tintuża fl-2010. Żied jgħid li r-regolatur tal-enerġija kkonferma li l-kontijiet qed jinħargu skont il-liġijiet ta’ Malta u tal-Unjoni Ewropea.

Aħbarijiet Oħra
Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Sigurtà

Il-kumpanija ARMS iċċarat li l-ħaddiema tagħha li jintbgħatu jaqraw il-meters tad-dawl u l-ilma jridu jkunu lebsin l-uniformi kif tidher fir-ritratt. TVM infurmat li fl-aħħar ġimgħat xi residenti esprimew tħassib dwar…

Aktar