Politika
Il-PN jgħid li l-Gvern se jagħti lill-Għawdxin vapur skadut

Il-kelliem għal Għawdex tal-Partit Nazzjonalista, Chris Said, qal li wara li ħela sitt snin, il-Gvern se jagħti lill-Għawdxin vapur skadut li m’għadux jintuża. Dr Said qal li l-vapur għandu problemi ta’ aċċessibbiltà u mhux se joffri impjiegi ġodda lill-Għawdxin. Żied li dan l-aġir juri li l-Gvern jistma lil Għawdxin bħala ċittadini tat-tieni klassi. Dr Said irrimarka li s-siti internazzjonali jgħidu li dan il-vapur għandu 32 sena.

Dr Said qal li l-Gvern m’għamel xejn biex isaħħaħ il-konnettività bejn il-gżejjer, inkluż is-servizz tal-fast ferry, li qal it-tender dwaru ġie sospiż minħabba dak li Dr Said sejjaħ taħwid. Dr Said spjega li dan in-nuqqas ta’ investiment fil-konnettività qed iwassal biex tikber l-insularità doppja ta’ Għawdex.

Il-kandidat għall-Parlament Ewropew, Michael Briguglio, qal li l-Partit Nazzjonalista investa fi tliet vapuri għall-Gozo Channel, li qal għandhom il-faċilitajiet kollha meħtieġa. Dr Briguglio qal li l-viżjoni tal-Partit Nazzjonalista ħalliet il-frott, għax minkejja li għaddew 20 sena minn fuqhom, il-vapuri għadhom qed jagħtu servizz.

Aħbarijiet Oħra
Partit Nazzjonalista

Il-laqgħa tal-Grupp Parlamentari t-tieni waħda fi ftit jiem, qed tiżvolġi wara laqgħa mqanqla tal-Kumitat Eżekuttiv tal-Partit Nazzjonalista li ntemmet tard ilbieraħ billejl. Pierre Portelli stqarr li dak li ġara fil-laqgħa…

Partit Nazzjonalista

Il-Kap tal-Partit Nazzjonalista Adrian Delia kien l-uniku wieħed barra Pierre Portelli li tkellem fi tmiem il-laqgħa tal-Eżekuttiv tal-Partit u stqarr li ser jagħmel proposti lill-Grupp Parlamentari għat-triq ‘il quddiem. Huwa…

Qorti

Taljan ta’ 44 sena li joqgħod San Pawl il-Baħar ġie mixli b’serq aggravat bi vjolenza fuq anzjan ta’ 77 sena. Il-każ seħħ fl-aħħar tax-xahar l-ieħor minn stabbiliment fi Triq il-Ħġejjeġ,…

Lokali

Il-President George Vella qal li għandu riservi serji dwar il-legalizzazzjoni tal-marijuana rikreattiva. F’konferenza tal-Fondazzjoni Oasi, il-President stqarr li l-kannabis tista’ tkun ta’ benefiċċju għal skop mediku, iżda appella għal kawtela…

Aktar