Politika
Il-PN jgħid li Malta tirriskja tkun f’lista sewda jekk ma tindirizzax nuqqasijiet imsemmija mill-Moneyval

Il-Kap tal-Oppożizzjoni u tal-Partit Nazzjonalista Adrian Delia qal li jekk sa Settembru li ġej il-Gvern mhux se jindirizza n-nuqqasijiet li ssemmew fir-rapport tal-MONEYVAL, Malta qed tirriskja li titqiegħed fuq lista sewda.

F’konferenza tal-aħbarijiet, Dr Delia qal li dan ikun ċertifikat li Malta mhix post sigur għall-investiment, f’mument fejn l-esperti kollha qed jgħidu li l-ekonomija se tieħu daqqa sa 6%.

Dr Delia qal li l-Oppożizzjoni hi lesta li tgħin u staqsa fejn waslet Malta biex isewwi l-ħsara li saret. Il-Kap Nazzjonalista qal li ma jistax ikun li jibqgħu ma jittiħdux passi kontra nies bħal Karl Cini u nsista għal spjegazzjoni kif l-eks Ministru Konrad Mizzi qiegħed barra minn Malta meta għadu membru parlamentari. Qal li l-Prim Ministru jrid jispjega kif l-istess nies tan-Nexia BT, li qal kienu involuti f’kuntratti tal-Electorgas u tal-Vitals, issa ngħatatilhom liċenzja dwar bdil ta’ cryptocurrencies.

Il-kelliem tal-Oppożizzjoni għall-Finanzi, Mario de Marco qal li l-kriżi fis-settur finanzjarju mhijiex ikawżata mill-pandemija imma min-nuqqas ta’ impenn tal-Gvern. Appella lill-Gvern biex fost oħrajn isaħħaħ r-riżorsi u tingħata awtonomija lir-regolaturi, biex jitfassal pjan ta’ azzjoni b’viżjoni għall-futur tas-settur finanzjarju.

Aħbarijiet Oħra

Id-Dipartiment tal-Protezzjoni Ċivili għandu vettura ġdida biex tagħmilha iktar possibbli biex jiġu salvati nies jekk jinqala’ xi inċident f’bini għoli. Il-vettura nxtrat mill-Awtorità tal-Ippjanar hekk kif fl-aħħar snin żdiedu l-binjiet…

Mart il-President ta’ Malta, is-sinjura Miriam Vella qalet li tifhem eżatt il-bżonn ta’ iktar għarfien fuq il-kanċer tas-sider għax tilfet lill-ommha b’dan il-kanċer. Is-sinjura Vella din is-sena hija l-Patruna tal-kampanja…

Il-Kummissjoni Elettorali tal-Partit Nazzjonalista fi stqarrija qalet li llum għamlet il-verifiki kollha u ġie konkluż li n-numru ta’ tesserati eleġibbli biex jivvutaw fl-elezzjoni għall-ħatra ta’ Kap tal-Partit Nazzjonalista huwa 21,499….

Uffiċjali mill-Awtorità tas-Saħħa u s-Sigurtà fuq il-post tax-xogħol, l-OHSA qegħdin jiċċertifikaw li kull skola f’Malta u Għawdex hija konformi mar-regolamenti li tfasslu mill-awtoritajiet tas-saħħa. F’kummenti ma’ Television Malta, is-Segretarju Permanenti…

Aktar