Elezzjoni Ġenerali, Lokali
Il-PN jgħid li se jibda proċess biex il-membri tal-forzi dixxiplinati jaħdmu ġimgħa ta’ 40 siegħa

Il-Viċi Kap tal-Partit Nazzjonalista, Beppe Fenech Adami qal li Gvern ġdid jibda proċess biex il-membri tal-forzi dixxiplinati jibdew jaħdmu ġimgħa ta’ 40 siegħa flok ġimgħa ta’ 46 siegħa biex ikollhom aktar ħin ta’ kwalità mal-familja. Id-dettalji.

Il-Viċi Kap Nazzjonalista, Beppe Fenech Adami qal li l-membri tal-forzi dixxiplinati jaħdmu ġimgħa ta’ 46 siegħa u waħda mill-bidliet li Gvern ġdid irid iwettaq hi li bħall-kumplament tal-ħaddiema jibdew jaħdmu 40 siegħa fil-ġimgħa u f’każ ta’ iktar sigħat, jitħallsu bis-sahra. Qal li dan il-proċess se jsir fost l-oħrajn bl-ingaġġ ta’ aktar membri u l-irranġar tar-rosters.

F’kumment fuq NET TV, Dr Fenech Adami qal li l-Partit Nazzjonalista se jonora kull impenn li sar mill-Gvern preżenti fuq l-arretrati tas-sahra. Dwar l-‘extra duty’ li jagħmlu l-Pulizija, qal li l-Partit Nazzjonalista jrid li jibdew jitħallsu tieghu fi żmien xahrejn u li t-taxxa fuq l-ewwel €10,000 li jaqilgħu minnu tinżel minn 15% għal 10%.

Huwa qal li l-Pulizija fl-għasses u taqsimiet differenti tal-korp ghandhom jiġu inċentivati b’allowances speċjali. Argumenta li bil-għan li jkun hemm aktar nisa fil-korp, se jiddaħlu kundizzjonijiet tax-xogħol favur il-familja/

Dwar il-priġunieri, Dr Fenech Adami qal li Gvern nazzjonalista se jaħdem aktar fuq ir-rijabilitazzjoni u li jsir titjib fl-ikel, l-iġjene u s-sigurtà tal-faċilità korrettiva. Dwar il-pensjoni tas-servizz li sa llum hi iffriżata, wiegħed li l-Partit Nazzjonalista jżiedha biż-żieda tal-għoli tal-ħajja.

Aħbarijiet Oħra
Elezzjoni Ġenerali, Lokali

Magħrufa s-67 membru parlamentari li se jiffurmaw it-tlettax-il Parlament mill-Indipendenza: 37 tal-Gvern u 30 tal-Oppożizzjoni. L-aħħar deputati ġew eletti llum f’elezzjonijiet każwali għal ħames deputati tal-Partit Nazzjonalista flok il-ħames membri…

Elezzjoni Ġenerali, Lokali, malta

Is-Sindku tas-Siġġiewi Karol Aquilina se jkun wiċċ ġdid ieħor fil-Parlament f’isem il-Partit Nazzjonalista wara li ġie elett fl-elezzjoni każwali fuq l-10 Distrett. L-Avukat Aquilina rebaħ is-siġġi f’tellieqa li baqgħet għaddejja…

Elezzjoni Ġenerali, Lokali

9.00 am – Fiċ-ċentru tal-għadd tal-voti fin-Naxxar bdew l-elezzjonijiet każwali tal-Partit Nazzjonalista fuq is-seba’, l-għaxar, il-ħdax u t-tlettax-il distress elettorali. Il-voti ta’ dawk il-kandidati li ċedew posthom fuq dawn id-distretti…

Elezzjoni Ġenerali, Lokali, malta

Fuq parir tal-Prim Ministru, il-President ħatret għaxar Segretarji Parlamentari. Minnhom, ħamsa kienu diġà deputati iżda qatt ma kellhom kariga fil-Kabinett waqt li għal tlieta oħra l-elezzjoni tas-Sibt li għadda kienet…

Aktar