Lokali
Il-PN jitlob studju dwar l-andament ekonomiku; il-PL jgħid li l-PN jilmenta li qed tikber l-ekonomija

Il-Partit Nazzjonalista sejjaħ lill-Gvern biex jikkummissjona studju dwar l-andament ekonomiku fit-tul biex ikun assigurat li l-pajjiż ikun lest għat-tkabbir ekonomiku fl-oqsma kollha u li dan jilħaq lil kulhadd. Id-deputati Kristy Debono u Ivan Bartolo qalu li ż-żieda fil-kera u fil-prezzijiet tal-appartamenti qed joħolqu faqar finanzjarju ġdid. Qalu li 70,000 persuna ma jistgħux ilaħħqu mal-kera jew il-ħlasijiet li għandhom mal-banek.

Is-sinjura Debono qalet li bejn l-2014 u 2016 il-prezzijiet tal-propjetà telgħu b’50% u żdiedu ferm aktar fl-aħħar sena u nofs. Qalet li dawk li għandhom paga medja ma jistgħux jixtru darhom.

Ivan Bartolo qal li żdiedu n-numru ta’ persuni li qed jgħixu f’garaxxijiet taħt l-art ghax ma jistgħux iħallsu l-kera. Qal li anke fil-gazzetta l-Orizzont issemmiet iċ-ċifra ta’ 190 persuna minn dawn. Skont is-sur Bartolo mad-900 persuna qed jgħixu fil-garaxxijiet uħud minnhom mingħajr provista tal-elettriku. Huma ħeġġew lill-Gvern biex jaġixxi malajr u jikkummissjona l-istudju li hemm bżonn.

F’reazzjoni, il-Partit Laburista qal l-Partit Nazzjonalista spiċċa jilmenta li qed tikber l-ekonomija u jinħoloq il-ġid. Fi stqarrija ntqal li l-miġja ta’ ħaddiema barranin iġġib l-isfidi tagħha bħal fil-każ tal-kera iżda l-Gvern se jippubblika white paper b’għadd ta’ proposti għal dan is-settur. Il-Partit Laburista qal li din il-white paper tingħaqad ma’ sensiela ta’ inizjattivi li ttieħdu bħal social loans u investiment f’housing soċjali.

Aħbarijiet Oħra
Kronaka

Tifel ta’ 14-il sena se jiġi operat f’saqajh għal ġrieħi serji li sofra meta kelb tar-razza pitbull attakkah kmieni dalgħodu. Il-każ seħħ ftit wara l-5am fi Triq San Ġwann f’Bormla….

Kronaka

It-toroq Maltin, swew il-ħajja ta’ disa’ persuni li tilfu ħajjithom f’inċidenti serji tat-traffiku bejn April u Ġunju li għadda. Għalkemm l-għadd tal-fatalijiet f’dan il-perjodu kienu tliet darbiet aktar mill-istess perjodu…

Kronaka

Kmieni dalgħodu, membri tal-Protezzjoni Ċivili ssejħu fl-inħawi tal-Aħrax tal-Mellieħa wara li raġel ta’ 41 sena waqa’ wara ċint għoli ta’ madwar sitt filati. L-inċident seħħ għal ħabta tal-5.30am, meta l-pulizija…

Kronaka

Ġlieda bejn żewġt irġiel u mara mill-Eritrea wasslet biex il-Marsa sofriet ġrieħi gravi u tinsab għall-kura l-isptar. Il-pulizija qalet li għall-ħabta tas-1am, intalbet l-assistenza tagħha f’restaurant fi Sqaq l-Ajkla fil-Marsa…

Aktar