Partit Nazzjonalista
Il-PN qal li l-Gvern m’għandux jibqa’ jitnikker dwar it-trasport tal-iskejjel

Il-Partit Nazzjonalista qal li hemm bżonn li l-Gvern ikun ċar u ma jitnikkirx dwar it-trasport tal-iskejjel.

Il-Kelliem għall-Edukazzjoni, Clyde Puli qal li xahar u nofs mill-bidu ta’ sena skolastika ġdida l-Gvern għadu qed iżomm lill-istudenti, il-ġenituri, il-kapijiet tal-iskejjel tal-Knisja u dawk indipendenti u lill-kumpaniji u l-individwi li joffru servizzi ta’ trasport lill-istudenti sajmin għalkollox mill-informazzjoni meħtieġa dwar kif u meta se tkun imwettqa din il-wegħda.

Qal li l-Partit Nazzjonalista jappella lill-Gvern biex kemm jista’ jkun malajr jinforma b’mod ċar lil kull min hu involut dwar kif se tiġi introdotta u implimentata din l-inizjattiva u ma jibqax jitnikker fid-diskussjonijiet u l-informazzjoni dwarha.

Il-Partit Nazzjonalista stieden lill-Gvern biex jasal għall-konklużjonijiet fi żmien tajjeb ħalli jassigura li dawk kollha involuti jkollhom biżżejjed żmien biex iħejju l-loġistika għat-twettiq ta’ din il-wegħda tal-partiti ewlenin it-tnejn.

Aħbarijiet Oħra
Temp

L-uffiċċju meterjoloġiku qed ibassar riħ qawwi. Ir-riħ mix-Xlokk Lvant ser ikun qawwi għal qawwi ħafna fuq l-inħawi fejn jaqbel tal-Gżejjer Maltin. Din it-twissija tibqa’ fis-seħħ sad-disgħa ta’ għada filgħodu u…

Saħħa

Mistenni jibda x-xahar id-dieħel ix-xogħol ta’ twaqqiegħ u tħammil għat-tieni dar residenzjali għal persuni bil-marda newroloġika tal-ALS. Il-proġett, f’Ħaż-Żebbuġ, mistenni jiswa sitt miljun Ewro. Ma’ TVM, il-fundatur tal-Fondazzjoni ALS Malta,…

Stejjer Umani

L-imħabba hi minsuġa fil-karattru ta’ William Saliba. L-altruwiżmu tiegħu jispikka ma’ pazjenti b’mard fil-kliewi. Għamel l-isfida tal-Lifecyle tnax-il darba…iżda fuq kollox kien bħas-Samaritan it-Tajjeb, b’ġest ma’ raġel ieħor meta tah…

Aktar