Politika
Il-PN se jappella lill-KE biex Malta tingħata fondi għall-ħsarat tal-Grigalata

Il-Partit Nazzjonalista, permezz tal-kandidati għall-elezzjoni tal-Parlament Ewropew Francis Zammit Dimech u Roselyn Borg Knight, qal li hu impenjat biex Malta ma titqiesx bl-istess mod li jitqiesu pajjiżi ikbar fl-għoti tal-fondi mill-Fond Ewropew għas-Solidarjetà.

Dan wara li l-Kummissjoni Ewropea qalet li Malta ma tikkwalifikax għal dawn il-fondi għax il-ħsarat fil-maltempata ta’ Frar ma kinux suffiċjenti, Dr Zammit Dimech qal li l-mod kif dawn il-fondi jingħataw lil pajjiż żgħir bħal Malta m’għandux ikun marbut ma’ sistema ta’ perċentwali. Żied li l-impenn tal-EwroParlamentari Nazzjonalisti huwa li din is-sistema tiġi emendata biex f’ċirkostanzi bħal dawn Malta tibbenefika b’mod immedjat.

Roselyn Borg Knight qalet li ċ-ċokon ta’ Malta jrid jiġi kkunsidrat u li dak li jgħodd għall-pajjiżi kbar ma japplikax għal Malta. Qalet li huma se jappellaw lill-Kummissjoni Ewropea biex tindirizza din is-sitwazzjoni u se jagħmlu pressjoni permezz tal-Partit Popolari Ewropew.

Aħbarijiet Oħra
Qorti

Immigrant żagħżugħ ta’ 16-il sena li gidem uffiċjal tad-detenzjoni hekk kif prova jaħrab miċ-ċentru ta’ detenzjoni f’Ħal Safi jumejn ilu baqa’ miżmum arrestat. Iż-żagħżugħ irnexxielu jiddendel mal-fence taċ-ċentru tad-detenzjoni u…

Kostruzzjoni

Il-President tal-għaqda tal-iżvilupatturi Sandro Chetcuti ikkundana mingħajr tlaqliq ir-rimi ta’ skart tal-kostruzzjoni f’ambjent naturali u fil-wied tal-Imġarr. Huwa qal li l-MDA għandha ħjiel ta’ minn rema l-iskart tal-kostruzzjoni f’wied fl-Imġarr…

Qorti

Ragel ta’ 58 sena ġie akkużat li ta b’mus lil kuġinuh wara argument fuq kera. L-inċident seħħ jumejn ilu tard waranofsinhar fi Sqaq Warda, f’Ħal Għargħur. Il-vittma, li għandu 74…

Kronaka

Dalgħodu tilfet ħajjitha l-anzjana li ttajret 4 xhur ilu f’San Ġwann. Hija mietet fl-isptar Mater Dei fejn kienet ilha minn dik inhar tal-inċident f’koma kawża tal-ġrieħi serji li ġarrbet f’rasha….

Aktar