Edukazzjoni
Il-PN u l-MUT jgħidu li hemm bżonn sigurtà fl-iskejjel kollha

Il-President tal-Union tal-Għalliema l-MUT Marco Bonniċi qal li wara l-aħħar żewġ każijiet ta’ vjolenza fuq edukaturi, il-Gvern qed jaħdem biex jimplimenta pjan għal sigurtà akbar fl-iskejjel.

F’laqgħa mal-Kap tal-Oppożizzjoni u tal-Partit Nazzjonalista, is-Sur Bonnici qal iżda li l-pjan għandu baġit li jkopri s-sigurtà f’għaxar skejjel biss. Hu qal li l-ġimgħa l-oħra kien hemm erbà każijiet ta’ aggressjoni fl-iskejjel, bi tnejn minnhom ma ssemmgħux fil-midja. Żied li l-union qed twissi wkoll dwar in-nuqqas ta’ edukaturi, li tistà tibda taffettwa l-iskejjel mis-sena skolastika li jmiss.

Min-naħa tiegħu, Dr Delia qal li l-edukaturi jixiriqilhom ir-rispett u l-appoġġ biex iwettqu xogħolhom. Qal li l-fatt li l-Gvern ma jidhirx li għandu pjan strutturat għal dan is-settur, ikompli jgħarraq is-sitwazzjoni. Kompla li n-numru ta’ riżenji mill-professjoni u n-nuqqas ta’ investiment fl-edukazzjoni huma preokkupanti.

Dr Delia qal li l-Gvern ma ppjanax għat-tkabbir fil-popolazzjoni li qed tħalli impatt fuq is-settur tal-edukazzjoni. Il-Kap Nazzjonalista qal li pajjiżi oħra ħadu miżuri aktar drastiċi biex jindirizzaw il-problema tal-vjolenza fuq l-għalliema u qal li jittama li s-sitwazzjoni ma titħalliex tiggrava biex tittieħed azzjoni.

Aħbarijiet Oħra
Politika

Intemmet wara l-10 p.m. mingħajr ebda kumment lill-media laqgħa minn grupp ta’ madwar 16-il membru parlamentari tal-Partit Nazzjonalista. Għall-aħħar nofs tal-laqgħa attenda l-Kap tal-Partit Nazzjonalista, Adrian Delia. Ingħaqad ukoll tard…

Kultura

Maħżen tal-festa nbidel fi klassi fi proġett biex il-prattika ta’ snajja tradizzjonali li jispikkaw fil-festi Maltin tintiret u ma tmutx. Il-proġett tmexxa mill-Għaqda Mużikali Sant’ Andrija ta’ Ħal Luqa, li…

Infrastruttura

Inkonvenjent li ilu snin jurta lill-Birżebbuġin se jiġi indirizzat bi proġett li Infrastructure Malta qalet se tibda fi tmiem dan is-sajf. Il-proġett hu maħsub li jtaffi l-problema tal-għargħar, ikkawżata mill-baħar…

Lokali

Mil-lejla bdew jiġu organizzati l-pellegrinaġġi fl-okkażjoni tal-festi tal-ibliet u l-irħula li se jibqgħu għaddejjin sat-8 ta’ Diċembru meta tiġi ċċelebrata l-Kunċizzjoni f’Bormla. Illejla, tliet lokalitajiet qed jorganizzaw dawn il-pellegrinaġġi: Ħal…

Aktar