Lokali
Il-ponsietta minn Milied sa Milied

Fl-Istati Uniti llum jiċċelebraw Jum il-Ponsietta li timmarka l-bidu tal-istaġun tal-festi tal-Milied. Fl-aħħar snin din il-pjanta daħlet ukoll fil-Milied Malti, iżda din mhix pjanta tal-Milied biss.

Oriġinat mill-Messiku iżda nfirxet bħal leħħa ta’ berqa fid-dinja tal-Punent. Il-Ponsietta saret sinonima mal-Milied daqs is-siġra tal-Milied. F’dawn iż-żminijiet, il-qsari tal-Ponsietta nxtraw bl-eluf anke f’Malta għax għalkemm din hija kkunsidrata bħala pjanta, l-aħmar jgħajjat tagħha kważi kważi jagħmilha fjuri dekorattiva bil-lewn ħamrani tal-Milied.

Il-kultivazzjoni tax-xtieli tal-ponsietta jibda fis-serrer għal nofs Awwissu għalkemm din hija pjanta li tieħu r-ruħ fix-xitwa meta l-ajru jibda jiksaħ.

“F’Novembru tibda taqleb għal aħmar biex il-prodott ikun lest għas suq, hawn ħafna domanda għaliha, jinxtraw għad-dar, għal xi uffiċċju u hija xi ħaġa sinonima mal-Milied, illum il-ġurnata” qalet Debbie Cassar.

Debbie Cassar spjegat li bħal bosta pjanti oħra hemm varjetà sħiħa ta’ ponsjetti għalkemm l-aktar popolari u mfittxija hija l-ponsietta l-ħamra.

“Hemm il-ħamra, il bajda, bil-kuluri, hemm l-imnaqqqxin, roża, lewn il-ħawħa, abjad hemm dawk li jkunu bl-irqajja, li tista’ timmaġina. Is-suq huwa vast ħafna, jiġifieri n-nies aktar ma jkun hawn għażla aktar ħa jkollhom pjanta biex iqiegħdu fil-post addatat.”

Ħafna minn dawn il-qsari jispiċċaw jitbielu, jinxfu u jmutu, l-esperti tal-ġardinaġġ jgħidu li bit-tisqija addatta din il-pjanta tista’ twassal minn Milied sa Milied.

Aħbarijiet Oħra
Lokali

Il-Milied jiġi għal kulħadd u jferraħ bosta qlub. Żorna ċ-Centro Spero għal persuni nieqsa mid-dawl fejn ħassejna l-entużjażmu tal-persuni nieqsa mid-dawl li qed iħejji għal produzzjoni tal-Milied bi drama u…

Ekonomija u Finanzi

Statistika tal-Eurostat uriet li fl-2016, in-nefqa ta’ Malta f’għajnuniet soċjali kienet inqas mill-medja Ewropea. Fil-fatt Malta kienet f’sitt post mill-aħħar fost 28 pajjiż tal-Unjoni Ewropea li tonfoq fuq servizzi soċjali….

Brexit

Tkompli titħabbel il-kobba dwar Brexit wara li fl-aħħar jiem il-Prim Ministru Theresa May tidher li spiċċat b’idejha f’idejha meta ma kisbitx garanzija ta’ assigurazzjonijiet dwar il-fruntiera tal-Irlanda mill-mexxejja tal-Unjoni Ewropea….

Brexit

Il-korrispondent tal-BBC, Chris Morris, f’kummenti esklussivi lil Television Malta, stqarr li l-Prim Ministru Ingliża Theresa May s’issa għadha ma kisbitx dak mistenni minn ħafna Parlamentari Ingliżi biex jaċċettaw il-ftehim li…

Aktar