Politika
Il-poplu ddiżgustat bl-aġir tal-Ewroparlamentari Nazzjonalisti – Dr Muscat

Il-Prim Ministru u Mexxej Laburista Joseph Muscat qal li l-poplu huwa ddiżgustat bl-aġir tal-Ewroparlamentari Nazzjonalisti u bil-ħsara li qal għamlu lil Malta.

F’Ħaż-Żabbar Dr Muscat qal li l-poplu għandu juża l-vot fil-25 ta’ Mejju, ghal kandidati li għandhom lil Malta f’qalbhom.

Dr Muscat irrefera għaż-żjara fl-iskola medika ta’ Barts f’Għawdex, li nbniet, minkejja t-taqtigħ il-qalb min-naħa tal-Oppożizzjoni. Qal li din l-iskola medika inbniet mill-kumpannija Steward Healthcare, b’investiment li sa issa kien ta’ €26 miljun, li għalih il-Gvern lanqas ħareġ ċenteżmu. Il-Prim Ministru faħħar lil Maltin li jaħdmu biex iġibu l-investiment f’Malta.

Dr Muscat qal li l-Oppożizzjoni tinsab fi stat ta’ paniku. Qal li tal-Oppożizzjoni ma tgħallmet xejn, għaliex anki f’din il-kampanja rrikorrew għall-gideb. Il-Prim Ministru qal li japprezza s-solidarjetà tal-poplu, imma japprezza iktar jekk il-poplu jivvota għall-kandidati Laburisti fl-elezzjonijiet tal-25 ta’ Mejju.

F’attivita oħra politika fin-Naxxar, il-Prim Ministru Joseph Muscat tkellem dwar il-familji, u qal li l-Gvern għaraf ir-realtà tal-familji ġodda, li jekk żewġ persuni jħobbu lil xulxin, ma kellhomx bżonn il-permess tal-Gvern, imma l-Gvern tagħhom l-għarfien li huma daqs ħaddieħor. Dr Muscat qal li hu kburi li għar-raba’ sena Malta ġiet l-ewwel bħala l-iktar post ugwali u bla diskrimianzzjoni ta’ orjentazzjoni sesswali fl-Ewropa kollha.

Il-Prim Ministru Muscat tkellem ukoll dwar id-deċiżjoni tal-Qorti Kostituzzjonali li ċaħdet it-talba tal-Kap tal-Oppożizzjoni Adrian Delia, biex jingħata kopja tar-rapport tal-inkjesta dwar Egrant u qal li l-kummenti li saru mill-esponenti Nazzjonalisti wara din id-deċiżjoni saru biex iqabbżuhielu, iżda fi kliemu, dr Muscat qal li mhux se jpaxxi lil ħadd. Qal li l-ħajja għalmitu li l-qrusa u l-mibegħda ma jwassluk imkien.

Aħbarijiet Oħra
Kronaka

Żewġ xufiera ta’ coaches dalgħodu rrikorrew għall-kura f’ċentru tas-saħħa wara ħabta fl-ajruport internazzjonali ta’ Malta. L-inċident seħħ għall-ħabta tas-6.00am bejn coach tal-Aviaserv u coach tal-AirMalta, li ma kinux qed iġorru…

Xogħol

Il-Ministru Edward Zammit Lewis, filwaqt li nieda l-Premju Nazzjonali Ħaddiem tas-Sena, qal li l-ekonomija tistrieħ fuq il-ħaddiem, u li dan il-premju jirrikonoxxi l-bżulija. Iċ-Chairperson tal-kumitat organizzattiv, Angela Agius, spjegat li…

Kultura

Waqt konferenza tal-aħbarijiet tħabbar il-kunċert innovattiv bis-sehem tal-mużiċisti tal-banda, Ħuġġieġa tal-Banda 12th May b’għajnuna ta’ fondi mill-Kunsill Malti għall-Arti. Il-banda 12th May ta’ Ħaż Żebbuġ bħalissa qed tipprepara għall-proġett Ħuġġieġa,…

Sigurtà

Il-kumpanija ARMS iċċarat li l-ħaddiema tagħha li jintbgħatu jaqraw il-meters tad-dawl u l-ilma jridu jkunu lebsin l-uniformi kif tidher fir-ritratt. TVM infurmat li fl-aħħar ġimgħat xi residenti esprimew tħassib dwar…

Aktar