Il-Premju Francis Ebejer 2015 għall-kitba għat-teatru u r-radjudrammi

Il-Kunsill Malti għall-Arti nieda l-edizzjoni 2015 tal-Premju Francis Ebejer – il-kompetizzjoni nazzjonali ta’ kitba għat-teatru u r-radjudrammi.

Il-Premju Francis Ebejer rega’ fetaħ għas-sena 2015 wara eżercizzju ta’ ristrutturar li kien jinkludi taħriġ għall-kittieba u huwa mmirat lejn kittieba ġodda u stabbiliti biex jaqsmu xogħlijiethom ma’ udjenza wiesgħa u joffri pjattaforma b’saħħitha għal iktar skritti promettenti bil-Malti.

Il-Premju tnieda waqt konferenza tal-aħbarijiet li matulha ntwerew siltiet minn Ma Rridx Immur, l-iskritt rebbieħ tal-Premju Francis Ebejer sentejn ilu u li se jittella’ fit-Teatru Manoel il-Ġimgha u s-Sibt. L-iskritt għandu kitba ta’ Leanne Ellul.

Il-Ministru responsabbli mill-Kultura, Owen Bonnici qal li l-premju ma jinkludix biss premji fi flus, iżda wkoll għajnuna biex id-drammi rebbieħa jittellgħu u jiġu ppubblikati. Il-Premju Francis Ebejer huwa miftuħ għal kittieba ta’ kull età, grad ta’ esperjenza u nazzjonalità u l-ilsien ewlieni li fih jinkitbu l-iskritti għandu jkun il-Malti.

Bћala parti mir-ristrutturar tal-Premju, ġie ffurmat core group biex jiddiskuti l-futur tal-Premju u t-taћriġ meћtieġ biex jiġu żvilupatti skritti ta’ kwalità gћolja. B’kollaborazzjoni mal-Università ta’ Malta u ċ-Ċentru tal-Kreattività fil-Kavallier ta’ San Ġakbu, bћalissa gћaddej kors tal-kitba li jinkludi sensiela ta’ workshops. Tliet kittieba u akkademiċi internazzjonali ġew mistiedna gћal dan il-kors. B’kollox irreġistraw 22 applikant.

Aħbarijiet Oħra
Kultura

Tlesta proġett ta’ restawr tal-pittura tas-saqaf fil-Kappella dedikata lill-konversjoni ta’ San Pawl fil-Wied ta’ Birkirkara. Din kienet saret mill-artist Ġużeppi Briffa waqt li r-restawr sar mill-kumpanija Atelier Del Restauro. Ir-restawr…

Qorti

Dr Manfred Galdes li kien Kap Eżekuttiv tal-FIAU, qal li n-nuqqas ta’ riżorsi fit-taqsima tal-Pulizija dwar ir-reati ekonomiċi kienet qed tagħmel ix-xogħol tal-FIAU inutli. Spjega li r-rapporti li l-FIAU kienet…

Saħħa

Fiċ-Ċina, tliet persuni mietu u iżjed minn 200 oħra jinsabu morda, wara li ħakimhom mikrobu ġdid li qed jissejjaħ novel coronavirus. F’kummenti lil TVM, is-Supretendent tas-Saħħa Pubblika, il-Professur Charmaine Gauci,…

Aktar