Lokali
Il-President Emeritu Marie Louise Coleiro Preca tinħatar President tal-European children’s rights network

Il-President Emeritu, u Chairperson tal-Fondazzjoni ta’ Malta għall-Ġid tas-Soċjetà, Marie Louise Coleiro Preca ġiet maħtura President tal-organizzazzjoni Eurochild, network Ewropea prestiġġjuża li taħdem favur id-drittijiet tat-tfal, b’aktar minn 170 membru minn 34 pajjiż differenti.

Illum, l-Assemblea Ġenerali tal-Eurochild eleġġiet lil Coleiro Preca bħala l-President tal-Eurochild fid-dawl tal-fatt li minn dejjem kienet instrumentali biex tagħti vuċi lit-tfal, u anke għad-dedikazzjoni tagħha lejn il-well being tas-soċjetà u ta’ dawk l-aktar vulnerabbli.

Eurochild hija network ta’ organizzazzjonijiet Ewropej li jaħdmu mat-tfal u għat-tfal, għaqdiet li b’ħidmiethom jassiguraw li lkoll ngħixu f’soċjetà, li tirrispetta d-drittijiet tat-tfal. Eurochild taħdem bi sħiħ sabiex tinfluwenza policies fl-organi ewlenin tal-Ewropa.

Bi preparazzjoni għall-Elezzjonijiet tal-Parlament Ewropew tax-xahar id-dieħel, Eurochild qed tikkampanja għall-Parlament li jaħdem favur it-tfal permezz tal-kampanja “Vote for Children.”

Il-President Emeritu Coleiro Preca stqarret li hija onorata li f’dan ir-rwol il-ġdid u qalet li l-parteċipazzjoni attiva tat-tfal kienet fiċ-ċentru tal-ħidma tagħha, kemm meta kienet Ministru tal-Familja u s-Solidarjetà Soċjali u anke meta serviet bħala President ta’ Malta.

“Hija x-xewqa tiegħi li bħala President ta’ din l-organizzazzjoni tant prestiġġjuża, naħdem sabiex nassigura li l-parteċipazzjoni attiva tat-tfal ikun mudell fuq livell Ewropew b’mod ħolistiku, biex b’hekk tingħata l-importanza meħtieġa lejn il-vuċi tat-tfal. Tassew nemmen li globalment, l-Ewropa jista’ jkollha rwol ewlieni f’dan ir-rigward,” qalet Coleiro Preca.

Fl-2014, Coleiro Preca waqqfet il-Fondazzjoni tal-President għall-Ġid tas-Soċjetà, – li issa biddlet isimha għal The Malta Foundation for the Well being of Society.

Aħbarijiet Oħra
Lokali

L-unjin tal-għalliema l-MUT qalet li tinsab imħassba dwar il-ftuħ ta’ Skolasajf, speċjalment fejn tidħol l-iġjene u d-distanza soċjali. Fi stqarrija l-MUT qalet li se tkun qed tiltaqa’ mal-Ministru għall-Edukazzjoni Owen…

Kronaka

Il-Korp tal-Pulizija qed jiċħad li ngħatat ordni lil xi uffiċjal tal-pulizija biex jagħmel kuntatt ma’ persuna jew persuni li jmexxu paġna fuq il-midja soċjali biex ineħħu l-filmat ta’ kuntistabbli fuq…

Lokali

L-Aġent Kummissarju tal-Pulizija ntalab jinvestiga filmati minn dashcams li allegatament juru l-vettura tad-deputat Nazzjonalista Karol Aquilina jinjora l-ordnijiet tal-pulizija tat-traffiku u jostakola korozza li kienet skortata mill-pulizija. Il-każ allegament seħħ…

COVID-19

Is-Supretendent tas-Saħħa Charmaine Gauci qalet li fl-aħħar 24 siegħa saru 1,247 swab tests li minnhom ħareġ każ wieħed pożittiv. Hija qalet li fiequ 6 persuni mill-virus. Biex b’hekk issa hemm…

Aktar