Lokali
Il-President iżur lill-pazjenti fl-isptar Mater Dei

Il-President ta’ Malta George Vella flimkien mas-sinjura Vella żar lill-pazjenti tal-isptar Mater Dei flimkien mad-Deputat Prim Ministru u Ministru għas-Saħħa Chris Fearne. Dr Vella qal li ż-żjara għamilha biex iwassal messaġġ lill-pazjenti li mhumiex minsija u li bħala President se jagħti appoġġ lill-pazjenti li jkollhom bżonn kura barra minn Malta permezz tal-Malta Community Chest Fund. B’rabta mal-inċident traġiku fl-Imġarr, il-President appella għal iktar kawtela fis-sewqan u għall-għoti tad-demm.

Il-President Vella qal li jrid li jagħti tama li kull pazjent fid-dwejjaq u l-uġigħ li jgħaddi minnu u jirringrazzja lit-tobba u lill-istaff għad-dedikazzjoni fix-xogħol tagħhom. Bħala tabib, il-President Vella qal li japprezza li t-tobba jispeċjalizzaw barra l-pajjiż u jiġu lura biex jagħtu s-servizzi tagħhom lill-pazjenti Maltin. Qal li dan jagħmluh b’sagrifiċċju għax kieku baqgħu jaħdmu barra kien ikun ferm iktar vantaġġjuż għalihom finanzjarjament. Il-President Vella żar għadd ta’ pazjenti fis-swali u għaddielhom messaġġi ta’ inkoraġġiment lilhom u lil qrabahom.

Il-Ministru Fearne rringrazzja lill-President Vella għall-appoġġ tiegħu lill-pazjenti u l-istaff u qal li bħala Ministeru se jagħti appoġġ sħiħ għal kull inizjattiva li tieħu l-Presidenza.

Aħbarijiet Oħra
Politika

Il-Partit Nazzjonalista ressaq mozzjoni li titlob lill-Prim Ministru Joseph Muscat jerfa’ r-responsabbiltà politika u jneħħi lil Keith Schembri minn Chief of Staff. Il-Mozzjoni titlob li b’mod urġenti, il-Parlament jiddiskuti l-aħħar…

Qorti

Waqt konferenza stampa dwar proġett għall-aktar effiċjenza fis-sistema ġudizzjarja, il-Ministru tal-Ġustizzja, Kultura u Gvern Lokali Owen Bonnici saħaq fuq il-bżonn li s-sistema ġudizzjarja tkun relevanti għas-soċjetà tagħna. F’konferenza li mmarkat…

Edukazzjoni

F’konferenza dwar l-litteriżmu fil-midja l-President George Vella appella għal aktar kawtela bil-mod ta’ kif tigi analizzata l-aħbar. Dr Vella sostna li l-kredibilità fil-ġurnaliżmu ma tistax titkejjel minn kemm l-artiklu jkollu…

Qorti

Daniel Appau mill-Ghana ġie ordnat jitkeċċa minn Malta. Dan wara li Appau seraq rota ta’ kunsillier Żebbuġi, reat li tiegħu il-Maġistrat Natasha Galea Sciberras ikkundannatu wkoll għal 13-il xahar ħabs…

Aktar