Lokali
Il-President se tmexxi delegazzjoni fit-Turkija

Iktar tard din il-ġimgħa, il-President Marie Louise Coleiro Preca se jkollha żjara statali fit-Turkija. Hi se tkun akkumpanjata minn delegazzjoni tan-negozju magħmulha minn 50 persuna.

Delegazzjoni ta’ 50 persuna se takkumpanja lill-President Marie Louise Coleiro Preca fi żjara statali li se tagħmel iżjed tard din il-ġimgħa fit-Turkija. Waqt laqgħa bi tħejjija għal din iż-żjara, il-President Marie Louise Coleiro Preca qalet li fit-Turkija hemm potenzjal ta’ iżjed investiment bejn iż-żewġ pajjiżi u sostniet li hu għalhekk li tinsab konvinta li din iż-żjara statali se tkun waħda li se tħalli l-frott għan-negozji Maltin waqt li tkompli ssaħħaħ ir-relazzjonijiet politiċi u bilaterali bejn Malta u t-Turkija.

Is-Sur Lino Mintoff, mill-Kamra tal-Kummerċ li se jkun qed imexxi d-delegazzjoni tan-negozjanti fit-Turkija, spjega lil TVM li dawn il-50 persuna ġejjin minn setturi varji.

Lino Mintoff qal “għandna l-kostruzzjoni, financial services, is-settur marittimu, għandna wkoll recycling u oħrajn varji. Ovvjament din it-trade delegation se tiltaqa’ ma’ kumpaniji Torok ukoll li se jiġu għall-B2B meetings li se nkunu qed norganzizaw aħna bħala Chamber mal-counterpart tagħna fit-Turkija u se jkollhom l-opportunita’ ovvjament li jsibu opportunitajiet ta’ partnering bejn il-kumpaniji Maltin u dawk Torok.”

F’Istanbul id-delegazzjoni Maltija se tieħu sehem f’forum tan-negozju, tat-turiżmu, u wkoll forum organizzat mill-Malta Enterprise. Fil-kapitali Ankara, il-President Marie Louise Coleiro Preca se jkollha laqgħa mal-President Tork Tayyip Erdogan.

Aħbarijiet Oħra
Sigurtà

‘Il fuq minn ħamest elef atleta, żewġ terzi minnhom barranin, kienu fuq ix-xwiek biex għada, il-Ħadd filgħodu, jieħdu sehem fil-maratona ta’ Malta. Iżda b’xorti ħażina, il-maratona tħassret ftit tal-ħin ilu…

Lokali

F’riċerka għad-dottorat dwar il-kriminalità fil-familji Maltin, Janice Formosa Pace sabet li l-familja tista’ tkun dik li tippromwovi l-kriminalità. Kontra dak li jseħħ fl-Eworpa, f’Malta hija komuni li l-ġenituri u l-ulied…

Sport

Waqt logħba tat-Tieni Diviżjoni bejn Oratory Youths u Qala Saints, ir-referee Joseph Agius spiċċa qala’ daqqa ta’ ponn wara li ta żewġ karti sofor lil plejer tal-Qala. Il-logħba li saret…

Edukazzjoni

Il-Fondazzjoni President’s Trust kompliet tqassam tagħmir lil tfal li għandhom diffikultà bil-vista biex tgħinnhom fil-mixja edukattiva tagħhom. B’kollox il-fondazzjoni qassmet b’kemm jiswa €150,000 f’tagħmir tal-informatika lil 65 tifel u tifla….

Aktar