Lokali
Il-PM jattendi għas-Summit tal-Unjoni Ewropea fi Brussell

Il-Prim Ministru Joseph Muscat qed jattendi s-Summit tal-Unjoni Ewropea fi Brussell li mistenni jkun l-aħħar wieħed għalih qabel jinħatar is-suċċessur tiegħu fil-bidu ta’ Jannar. It-tibdil fil-klima hija fuq nett fl-agenda tal-mexxejja f’dan is-summit.

Qabel beda s-Summit, quddiem Dar Malta saret protesta minn għadd ta’ Maltin u rappreżentanti ta’ għaqdiet tal-ġurnalisti li fost l-oħrajn sejħu għar-riżenja mmedjata tal-Prim Ministru.

Mistoqsi dwar dan, il-President tal-Parlament Ewropew, David Sassoli qal li hemm proċessi ġudizzjarji, politiċi u istituzzjonali li jridu jiġu rispettati.

Malta u l-iżviluppi tal-aħħar ġimgħat m’humiex uffiċjalment fuq l-aġenda tal-aħħar laqgħa tal-Kunsill Ewropew għal din is-sena. Minkejja dan, iċ-Chairperson tal-Kumitat tal-Parlament Ewropew għal-Libertajiet Ċivili, is-Soċjalist Spanjol, Juan Fernando Lopez Agiular u ċ-Chairperson tal-Kumitat ta’ Monitoraġġ tal-Parlament għad-demokrazija u s-saltna tad-Dritt, il-Liberali Olandiża Sopie In’t Veld kitbu ittra lill-President tal-Kunsill Ewropew, Charles Michel isejħu lill-mexxejja biex jieħdu pożizzjoni fuq Malta għaliex fi kliemhom l-investigazzjoni dwar l-assassinju ta’ Daphne Caruana Galizia tinsab f’punt kruċjali u jeħtieġ ikun assigurat li m’hemm l-ebda indħil politiku.

L-ittra ġiet mgħoddija mill-President tal-Parlament Ewropew, David Sassoli li f’konferenza tal-aħbarijiet qal li l-istutizzjoni li jmexxi qed issegwi mill-qrib ħafna l-iżviluppi f’Malta u tieħu l-passi li tippermettilha l-liġi Ewropea. Waqt li appella biex wieħed jirrispetta l-proċess ġudizzjarju li għaddej f’Malta, David Sassoli qal li l-osservazzjonijiet u t-tħassib tad-delegazzjoni ewro-parlamentari fosthom dwar is-saltna tad-dritt f’Malta ġew mgħoddija lill-Kunsill Ewropew li saħaq għandu s-setgħa legali li jieħu xi forma ta’ azzjoni.

David Sassoli qal “għaliex huwa l-Kunsill Ewropew li skont it-trattati jrid jislet konklużjonijiet minn dan il-proċess u naħseb li din l-ordni ta’ responsabbiltà istituzzjonali li nemmen għandna nirrispettaw”.

U aktar kmieni waranofsinhar hawnhekk quddiem Dar Malta fi Brussell, tefgħa ta’ ġebla minn fejn qed jiltaqgħu l-mexxejja tal-UE, inġabru għadd ta’ Maltin kif ukoll ġurnalisti internazzjonali jsejħu fost l-oħrajn għar-riżenja mmedjata tal-PM Joseph Muscat

Ricardo Gutiérrez, Segretarju Ġenerali tal-Federazzjoni Ewropea tal-ġurnalisti qal “so we urge EU leaders to ask Muscat to resign”

Is-Summit tal-UE skedat li jkompli u jintemm il-Ġimgħa filgħodu sa kmieni waranofsinhar, dak il-ħin il-mexxejja se jkollhom indikazzjoni tar-riżultat tal-elezzjoni ġenerali fir-Renju Unit u għaldaqstant se jiddiskutu Brexit kif ukoll il-futur tal-Unjoni Ewropea.

 

 

Aħbarijiet Oħra
Unjoni Ewropea

Il-kriżijiet ta’ spiss ma jħarsux lejn l-uċuħ meta jolqtuna. Filwaqt li xi wħud jistgħu jiġu previsti u indirizzati bi tħejjijiet xierqa, oħrajn jaħsduna għall-għarrieda, bħal fil-każ ta’ din il-pandemija storika…

Lokali

Lejlet il-41 anniversajru minn Jum il-Ħelsien, il-Prim Ministru u Mexxej Laburista Robert Abela qal li l-ħelsien modern li bħalissa qed nissieltu għalih huwa l-ħelsien minn pandemija. F’messaġġ fuq One Television,…

COVID-19

Tfal rikoverati fis-sala Rainbow tal-isptar Mater Dei qed jiċċaħħdu minn wieħed mill-ġenituri tagħhom minħabba l-coronavirus. TVM tkellem ma’ Claudette Mifsud, omm Kim li ilha diġà ħmistax iżolata ma’ bintha waqt…

Aktar