Barranin
Il-President tal-Venezwela jsejjaħ lill-Gvern Amerikan estremist

Fil-Venezwela, il-President Nicolas Maduro, li qed jintalab jirreżenja, sejjaħ lill-Gvern Amerikan estremist u qal li l-Istati Uniti għandha l-ħtija għall-kriżi ekonomika u politika li jinsab fiha l-pajjiż.

Maduro qal li mhux ser iħalli l-għajnuna umanitarja tidħol fil-Venezwela għax dan huwa l-mod kif l-Istati Uniti tiġġustifika d-dħul tagħha fil-pajjiż u b’hekk jiħduh taħt idejhom.

Maduro qed jiffaċċja pressjoni kbira biex jgħajjat elezzjonijiet presidenzjali ġodda minħabba li f’dawk tas-sena l-oħra kien hemm allegazzjonijiet serji ta’ tbagħbis biex jerġa’ jieħu l-poter f’idejh. Il-Kap tal-Oppożizzjoni ddikjara lilu nnifsu president temporanju u qed isejjaħ demostrazzjonijiet kbar biex isiru elezzjonijiet ġodda.

Taħt Maduro ċ-ċittadini kellhom isofru nuqqas kbir ta’ oġġetti essenzjali tal-ħajja fosthom ikel u mediċini tant li mill-2014 aktar minn tliet miljun persuna kienu sfurzati jitilqu lejn pajjiżi oħra. Il-Kap tal-Oppożizzjoni Juan Guaido qal li aktar minn kwart ta’ miljun persuna jinsabu f’riskju li jitilfu ħajjithom.

Aħbarijiet Oħra
Barranin

Twitter u Facebook ħadu passi biex jimblokkaw dak li ddeskrivew bħala kampanja ta’ misinformazzjoni li għaddejja bl-appoġġ taċ-Ċina. Twitter qal li neħħa 936 account li qal kienu qed jintużaw biex…

Barranin

Mara ta’ 21 sena f’El Salvador, li t-tarbija tagħha nstabet mejta f’latrina fejn welldet, inħelset mill-akkużi li qatlet lil bintha. Evelyn Hernández minn dejjem qalet li hija innoċenti. Hija insistiet…

Immigrazzjoni

Tkompli tiżviluppa l-kwistjoni tal-immigranti abbord il-vapur Open Arms. Fl-aħħar sigħat tniżżlu Lampedusa s-27 immigrant taħt l-età wara li l-Ministru tal-Intern Taljan Matteo Salvini ta l-approvazzjoni li dawn jiddaħħlu l-Italja. Iżjed…

Barranin

Uffiċjal tas-sigurtà f’ajruport fi New York tkeċċiet mix-xogħol wara li tat nota lil passiġġier li fiha kien hemm miktub “Int ikrah”. Il-każ li seħħ f’Ġunju fi Greater Rochester International Airport. Il-filmat,…

Aktar