Lokali
Il-President tibda ż-żjara statali fit-Turkija

Il-President Marie Louise Coleiro Preca bdiet żjara statali fit-Turkija. Akkumpanjata mill-Ministri Carmelo Abela, Chris Cardona, Konrad Mizzi, Joe Mizzi u s-Segretarju Parlamentari Chris Agius, il-President qed tmexxi delegazzjoni tan-negozju magħmula minn 50 persuna. Dawn ġejjin mill-oqsma tal-kostruzzjoni, servizzi finanzjarji, is-servizz marittimu, u dak ambjentali fost l-oħrajn.

Fl-ewwel impenn tagħha llum f’Istanbul f’business forum li għalih attenda l-Viċi President Tork Fuat Oktay, il-President Marie Louise Coleiro Preca qalet li f’Malta l-investiment Tork jidher fis-settur bankarju, marittimu, fl-infrastruttura u fit-terminal tal-containers fil-Port Hieles fost affarijiet oħra. Qalet li Malta qiegħda dejjem tikseb iżjed suċċess fil-qasam tal-blockchain u sostniet li dan jista’ jkun ta’ interess għall-investituri Torok.

Fl-istess forum, il-Ministru Chris Cardona qal li Malta se tkompli tappoġġja l-applikazzjomi tat-Turkija għas-sħubija fl-Unjoni Ewropea. Qal li l-għan tal-Gvern hu li jkompli jsaħħaħ ir-relazzjonijiet bejn Malta u t-Turkija. Il-Ministru Carmelo Abela qal li fl-aħħar snin kompla jissaħħaħ in-negozju bejn Malta u t-Turkija u sostna li dan jista’ jkompli jissaħħaħ. Is-Segretarju Parlamentari Chris Agius qal li l-Gvern Malti jwiegħed l-appoġġ neċessarju lill-investituri Torok li jixtiequ jinvestu f’Malta.

Aħbarijiet Oħra
Knisja Maltija

Jekk hemm aspett li jispikka fuq oħrajn fil-ġrajja tal-mewt ta’ Ġesà hi t-tbatija. Il-knisja parrokkjali tal-Fontana, f’Għawdex, għandha statwa ġdida li tirrappreżenta mument partikulari ta’ tbatija: il-flaġellazzjoni, b’Ġesù marbut ma’…

Teknoloġija

Tnieda fond ta’ żewġ miljun ewro ta’ GO Ventures, immirat lejn kumpaniji żgħar fil-qasam tat-teknoloġija. Fit-tnedija tal-fond, is-Segretarju Parlamentari Silvio Schembri qal li biex Malta tibqa’ fuq quddiem tar-rivoluzzjoni diġitali…

Stejjer Umani

Irġiel u nisa b’diżabbiltà llejla ġeddew mument mill-Aħħar Ikla ta’ Ġesù mad-dixxipli tiegħu. Hekk kif il-Knisja Kattolika tat bidu għat-Tridu tal-Għid, iċ-ċelebrazzjoni ewlenija tal-lejla fil-parroċċi tfakkar it-twaqqif tal-Ewkaristija u tinkludi…

Kronaka

Persuna ta’ 63 sena mir-Rumanija ġiet rikoverata wara li ttajret fil-Gżira. Il-Pulizija qalet li kienet infurmata bl-inċident fi Triq il-Gżira għall-ħabta tal-5.30 pm. Mill-ewwel stħarriġ ħareġ li l-persuna ntlaqtet minn…

Aktar