Lokali
Il-President tingħata premju f’Katanja
Il-President ta’ Malta Marie Louise Coleiro Preca rċeviet il-premju International Virdimura fl-Università ta’ Katanja fi Sqallija mingħand is-Società Italiana di Storia della Medicina.
Fid-diskors tagħha, il-President tkellmet dwar ir-rispett, id-dinjità, l-inklużjoni u l-paċi.
Dr Virdimura kienet l-ewwel mara li kisbet degree fil-qasam tal-mediċina. Il-President qalet li l-ispirtu ta’ Dr Virdimura għandu jinxtered biex iħeġġeġ lit-tfajliet jimirħu fl-ambizzjonijiet u l-aspirazzjonijiet tagħhom.
Saħqet fuq il-ħtieġa li jsiru għażliet favur it-tama, id-dinjità u r-rispett.