Politika
Il-President Vella jiltaqa’ mal-President tal-Awstrija

Il-President George Vella llum iltaqa’ mal-President tal-Awstrija; Alexander Van der Bellen, waqt li qiegħed għal żjara fl-Awstrija.

Il-President Awstrijakk tkellem dwar ir-rabtiet b’saħħithom bejn iż-żewġ pajjiżi u kif dawn komplew jikbru wkoll fl-oqsma akkademiċi u tax-xjenza. Il-President Van der Bellen esprima kliem ta’ tifħir għall-progress ekonomiku li qed tkompli tagħmel Malta u r-rati baxxi ta’ qgħad.

Fi stqarrija uffiċjali ntqal li l-President ta’ Malta qal li ż-żewġ pajjiżi jaqsmu ideali bħal xulxin, fosthom fuq l-istabbiltà fil-Balkani, il-ġejjieni tal-Unjoni Ewropea u Brexit. Diskussi wkoll l-iżviluppi fir-reġjun tal-Mediterran, fosthom dawk dwar il-Libja.

U fl-Awstrija wkoll, il-President Vella żar il-kapitali Vjenna, fejn intlaqa’ mill-gvernatur u s-Sindku tal-kapitali tal-Awstrija. Ir-relazzjonijiet b’saħħithom bejn iż-żewġ pajjiżi reġgħu tqanqlu waqt laqgħa li l-President Vella kellu fil-bini tas-Senat Awstrijakk. Il-President Vella kellu kliem ta’ apprezzament għall-kontribut kulturali u storiku tal-belt kapitali Awstrijakka.

Aħbarijiet Oħra
Kronaka

Żagħżugħ ta’ 19-il sena minn Ħal Tarxien ġie arrestat il-lejl li għadda dwar serqa minn lukanda f’San Pawl il-Baħar. Il-Pulizija qalet li għall-ħabta tal-11:30 p.m. irċeviet rapport minn ħaddiema ta’…

Politika

B’reazzjoni għall-istqarrija tad-deputati Nazzjonalisti li rrefera għalihom bħala li sal-lum mhux magħrufa, il-Kap tal-Oppożizzjoni u tal-Partit Nazzjonalista Adrian Delia qal li s-sottomissjonijiet legali diġà saru minnu stess mal-President ta’ Malta…

Politika

Stennija għal direzzjoni mill-President ta’ Malta George Vella dwar il-kariga tal-Kap tal-Oppożizzjoni skont kif inhu ggwidat mill-kostituzzjoni. Fl-aħħar jumejn, il-President Vella iltaqa’ mad-deputati eletti f’isem il-Partit Nazzjonalista biex jara kif ser…

Ikel

Is-sħana qed tagħmel tagħha u ġelat jinżillek għasel. Iżda id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika qed jinforma lill-pubbliku sabiex ma jikkonsmax il-ġelat tad-ditta Smiles li jinbiegħ f’volumi ta’ żewġ litri.  Smiles informat lid-Direttorat għas-Saħħa Ambjentali li…

Aktar