Lokali
Il-Prim Ministru jinawgura uffiċċji ġodda ta’ Centrecom

Il-kumpanija Centrecom imwaqfa bi sħab bejn il-privat u l-Air Malta investiet €2.5 miljun  f’uffiċċji ġodda fil-Mosta Technopark bil-mira li tibda tħaddem sa ħames mitt impjegat sa sentejn oħra. Il-kumpanija toffri servizz ta’ customer care lill-Air Malta u kumpaniji anke barranin. Fl-inawgurazzjoni taċ-ċentru ġdid ta’ Centrecom, il-Prim Ministru Joseph Musat qal li l-isfida li jrid jindirizza l-pajjiż hija l-iskarsezza tal-ħaddiema anke għal kumpaniji bħal din.

Wara 30 sena servizz il-kumpanija Centrecom inawgurat uffiċċji ġodda fil-Mosta u qed tħaddem 284 impjegat li jipprovdu servizz ta’ costumer care lil klijenti ta’ bosta kumpaniji fosthom l-Air Malta li ghandha 50% tal-ishma fil-kumpanija.

Id-Direttur Maniġerjali tal-kumpanija Leslie Cassar qal li l-kumpanija qed tkompli tespandi u għalhekk investiet €2.5 miljun f’dawn l-uffiċċji. Qal li daċ-ċentru jaħseb biex il-kumpanija tkompli żżid il-ħaddiemu sal-2020 ser tkun tista’ tħaddem sa 500 ruħ. Is-sur Cassar l-uffiċċji l-ġodda għandhom spazju għal fuq minn elf u mitejn impjegat meta mhħddma b’xiftijiet.

Robert Spiteri qal li “id-domanda għal dan is-servizz speċjalizzat, b’impjegati mħarrġin biex jibqgħu aġġornati fuq prodott, emails telefonati, live chat u social media”.

Il-Prim Ministru Joseph Muscat li nawgura l-uffiċċji l-ġodda fil-Mosta qal li din il-kumpanija qed tagħti opportunitajiet lin-nisa li reġgħu lura fid-dinja tax-xogħol wara li kellhom it-tfal, għax fost oħrajn għandha ħinijiet flessibbli. Dr Muscat faħħar lill-kumpanija li kontinwament tinvesti fit-taħriġ tal-impjegati tagħha. Huwa qal li l-isfida li ser tiffaċċja biex tkompli tespandi hija li sib aktar ħaddiema, iżda qal li din id-diffikultà wkoll trid tingħeleb biex il-pajjiż ikompli jagħmel suċċess.

Aħbarijiet Oħra
Qorti

Raġel li kien akkużat li seraq 3 karozzi fi ħmistax u ħabat b’waħda minnhom inżamm arrestat. Kevin Joseph Camilleri, ta’ 39 sena mill-Għargħur wieġeb mhux ħati quddiem il-Maġistrat Ian Farrugia….

Kronaka

Amerikan li kien fi triqtu minn Malta lejn l-Istati Uniti, ġie arrestat fl-Ajruport Internazzjonali ta’ Malta, iġorr ammont ta’ munizzjon fil-hand-luggage li kien se jtella’ miegħu fuq l-ajruplan. Fi stqarrija,…

Ambjent

Il-ġejjieni tal-bajjiet bil-bandiera l-bajda jidher inċert wara li fl-aħħar jiem tqanqlu suspetti fuq l-iskop tal-organizzaturi Kroati ta’ din l-inizjattiva li għandha l-għan li tiddikjara bajjiet ħielsa mill-plastik. Il-Ministeru tal-Ambjent li…

Edukazzjoni

F’dawn il-jiem l-istudenti se jibdew jirċievu €100 addizzjoni għall-grant li jingħataw mill-Gvern biex ittaffi mill-ispejjeż li jonfqu għall-istudji tagħhom. Din l-għotja ta’ €100 żieda fis-sena se tingħata lill-istudenti kollha li…

Aktar