Politika
Il-Prim Ministru jindika li se jitbiegħed mill-politika

Il-Prim Ministru u mexxej Laburista Joseph Muscat indika li wara li jirriżenja mill-kariga ta’ Prim Ministru x-xahar id-dieħel, ser ikun ċittadin normali u komuni u distakkat mill-politika.

Intervista fuq One Radio, l-għada tal-messaġġ tiegħu li fih ħabbar il-pjan tiegħu biex jintgħażel suċċessur tiegħu, Dr Muscat żied jgħid li mhux ser jinqata’ mid-dinja iżda qal li għandu ideat oħra għal ħajja tiegħu li ser ikun qed iwettaq. Żied jgħid li żgur li ser ikollu aktar ħin għall-familja.

Dwar il-proċess biex il-Partit Laburista jagħżel suċċessur tiegħu, Dr Muscat qal li hemm ħafna nies validi u xogħlu ser ikun li jara li l-proċess tal-għażla jkun wieħed imparzjali u personalment mhu ser jimbotta l-ebda kandidatura li jħalli lid-delegati u wara lit-tesserati jagħmlu l-għażla ħielsa tagħhom. Il-Prim Ministru qal li sakemm jirriżenja beħsiebu jżur ħafna lokalitajiet biex jiltaqa’ man-nies u jirringrazzjahom tal-fiduċja li tawh waqt li fl-istess ħin jiskuża ruħu għal nuqqasijiet. Żied jgħid li ser jerfa’ u jitgħabba bin-nuqqasijiet ta’ ħaddiehor iżda jrid li min jiġi warajh jibda paġna ġdida.

Il-Prim Ministru tenna l-intenzjoni li fil-Parlament ser jitkellem fuq il-każ mingħajr ma jippreġudika l-proċess anke jekk l-oppożizzjoni tiddeċiedi li ma tieħux sehem fid-dibattitu fejn ikun hu.

Aħbarijiet Oħra
Unjoni Ewropea

Ir-riżultat tal-elezzjoni ġenerali fir-Renju Unit jidher li sa fl-aħħar iċċara l-proċess għal Brexit. B’hekk, f’summit Ewropew, Mexxeja Ewropej talbu li dan il-ftehim jitressaq fil-Parlament Ingliż. Il-President tal-Kunsill Ewropew, Charles Michel…

Politika

Il-Kap tal-Partit Nazzjonalista, Adrian Delia, qal li mhux biżżejjed li jispiċċa Joseph Muscat minn Prim Ministru, iżda jeħtieġ tibdil fl-istituzzjonijiet biex isem Malta jitnaddaf mill-ħsara li saritlu. Dr Delia qal…

Kronaka

Fis-sagħtejn ta’ wara nofsinhar, il-Pulizija ġiet infurmata li kien hemm nar f’binja fi Triq Mose Gatt, f’Birkirkara. Il-Pulizija u Membri tal-Protezzjoni Ċivili marru fuq il-post, fejn sabu li kien hemm…

Kisbiet

Fost iċ-ċapċip ta’ dawk preżenti, l-atleti Maltin tal-Ispecial Olympics ingħataw Midalja għall-Qadi tar-Repubblika, fiċ-ċerimonja li saret fil-Festa tar-Repubblika l-Ġimgħa fil-Palazz tal-President. It-28 atleta, li lkoll għandhom sfidi differenti, rebħu 40…

Aktar