Lokali
Il-Prim Ministru qal li d-dokument dwar il-konċessjoni tat-3 sptarijiet ma nstabx

F’kummenti ma’ Television Malta, il-Prim Ministru Robert Abela qal li d-dokument nieqes li indika dwaru l-Awditur Ġenerali Charles Deguara fir-rapport dwar  il-kuntratt tal-Gvern mal-Vitals Global Healthcare ma nstabx.

Aktar kmieni din il-ġimgħa, Dr Abela waqt li stqarr li mhux sodisfatt b’dak li sab l-Awditur Ġenerali saħaq li jekk jeżisti se jara li dan id-dokument jingħatalu. Il-Prim Ministru qal li trid issir distinzjoni bejn Vitals Global Healthcare u Steward li ħadu t-tmexxija tat-tliet sptarijiet minn għand VGH. Qal li d-diskussjonijiet kummerċjali ma’ Steward Healthcare għadhom għadejjin.