Barranin, Kurżitajiet
Il-Prinċep George se jidher mal-idolu tiegħu fil-cartoons

Il-Prinċep George huwa ammiratur kbir ta’ Fireman Sam.  Dan il-karattru huwa l-protagonist ta’ cartoon popolari ħafna mat-tfal żgħar li jixxandar b’36 lingwa f’155 pajjiż.  S’issa nħadmu iktar minn 160 episodju ta’ Fireman Sam, tant li maż-żmien il-cartoon kompla jevolva u saħansitra beda jinħadem b’format 3D biex jappella iktar għat-tfal.

Fireman Sam huwa l-karattru preferut ta’ George, iben il-Prinċep William u Kate, tant li malli saru jafu kemm iħobb dan il-cartoons, l-awturi ħasbu biex jinkludu l-karattru tal-Prinċep Ingliż f’wieħed mill-episodji.  L-ewwel wild tal-eredi tat-tron se jkun qed jidher fl-episodju li jġib l-isem ta’ ‘Il-Prinċep ta’ Pontypandy’.  Fireman Sam twieled f’Wales fl-1987 u jitratta l-avventuri ta’ Sam u l-iskwadra ta’ pumpiera li jgħixu f’Pontypandy.

Sam huwa l-eroj tal-komunità u dejjem huwa dispost biex jgħin lir-residenti.  Xi ftit taż-żmien ilu, f’intervista fuq Radio One tal-BBC, membri tal-familja rjali Ingliża rrakkuntaw kif iqattgħu l-ħin liberu tagħhom, filwaqt li żvelaw li ċ-ċkejken George għandu passjoni impressjonanti għal Fireman Sam.

 

Aħbarijiet Oħra
Barranin

F’ittra ppubblikata mill-White House, tħabbar li l-President Amerikan Donald Trump ħassar is-summit storiku tax-xahar id-dieħel mal-Mexxej tal-Korea ta’ Fuq, Kim Jong-un f’Singapore. Is-Segretarju tal-Istat Amerikan, Mike Pompeo qara l-ittra f’laqgħa…

Barranin

Id-Deputat Ministru għall-Affarijiet Barranin tal-Korea ta’ Fuq qalet li l-futur tas-summit bejn pajjiżha u l-Istati Uniti jiddependi totalment mill-Istati Uniti filwaqt li kkundannat intervista li ta l-viċi President Amerikan Mike…

Aktar