Lokali
Il-Psikjatra Anton Grech – Indjan fil-Karnival tan-Nadur iżda kontra li jżeffnu l-pazjenti

Il-Psikjatra Anton Grech li ta’ kull sena ma jitlifx il-Karnival tan-Nadur ikkundanna l-messaġġ li wassal il-vann fin-Nadur li kellu l-kliem ‘Monte Carmeli taxi’.

Madankollu f’kumment ma’ TVM Anton Grech qal li ma jaqbilx li jkomplu jinxterdu l-filmati u r-ritratti tal-vann.

Dan il-vann qajjem kontroversja kbira fejn uħud ħassewhom imweġġa’ u oħrajn xxukkjati b’dan il-vann. Il-vann kellu kliem bħal ‘crazy’ u ‘sick people’.

Oħrajn qalu li fl-Karnival kollox għandu jkun aċċettabbli u li wieħed ma jistax jiċċensura dak kollu li jdarras. Madankollu dan ir-raġunament sab oppożizzjoni mill-Kummissarju għas-Saħħa Mentali, Dr John Cachia. Ma’ TVM Dr Cachia qal li dan il-vann ma jistax ikun ikkunsidrat bħala satira, iżda bħala att ta’ stmerrija.

Min-naħa tagħha, il-President Marie Louise Coleiro Preca kkundannat l-aġir ta’ dawk li kienu l-moħħ wara l-vann. Saħqet li huwa irresponsabbli u insensittiv. Sostniet li mhux aċċettabbli li biex nidevertu, noffendu lil nies li għaddejjin minn diffikultajiet ta’ saħħa mentali.

 

Ara wkoll:

Injoranza, messaġġ intenzjonat, jew għaġeb żejjed?

Il-President tikkundanna ċ-ċajt bil-mard mentali

Aħbarijiet Oħra
Kunsilli Lokali

Il-kunsilli ser ikollhom pubblikazzjoni maħsuba apposta biex tgħinhom jiksbu fondi addizzjonali minn programmi tal-Unjoni Ewropea. Dan tħabbar mis-Segretarju Parlamentari għall-Fondi Ewropej u DAaron Farrugia u s-Sur Parnis. Iż-żewġ Segretarji Parlamentari,…

Kronaka

Kuntistabbli tal-Pulizija stazzjonat fl-Iskwadra ta’ Kontra d-Droga llejla ngħata l-kura fl-isptar wara li sofra xi ġrieħi waqt il-qadi ta’ dmirijietu. Il-każ ħareġ fil-pubbliku permezz ta’ post fuq il-paġna ta’ facebook…

Qorti

Eks-kuntistabbli tal-Pulizija, Jean Pierre Abdilla, li qed iservi sentenza ta’ 16-il sena ħabs fuq akkużi relatati mad-droga, ingħata €5,000 bħala kumpens morali mill-Qorti Ewropea tad-Drittijiet tal-Bniedem minħabba l-kundizzjonijiet xejn tajbin…

Saħħa

Il-President ta’ Malta Marie-Louise Coleiro Preca bdiet żjara fi sptarijiet f’Londra fejn pazjenti Maltin imorru għall-kura. B’kollox se żżur seba’ sptarijiet u tliet residenzi li fihom joqogħdu pazjenti u qrabathom….

Aktar