Partit Laburista
“Il-pubbliku jeħtieġ jieħu ħsieb l-indafa fil-pajjiż bl-istess mod li jieħu ħsieb l-indafa f’daru” – PM

Il-Prim Ministru u Mexxej tal-Partit Laburista Joseph Muscat ħeġġeġ lill-Kunsilli Lokali biex jgħinu jitnaddaf il-pajjiż u jitnaqqas l-iskart.

F’attività politika bit-tema Lokalitajiet ta’ Għada fis-Swatar, stqarr li mhux kuntent fl-indafa fil-pajjiż. Qal li l-pubbliku jeħtieġ jieħu ħsieb l-indafa fil-pajjiż bl-istess mod li jieħu ħsieb l-indafa f’daru. Dr Muscat qal li dal-punt se jingħata prijorità fil-manifest elettorali tal-Partit Laburista għal-lokalitajiet kollha.

Dwar is-surplus, Dr Muscat qal li b’dan il-Gvern jista’ jqassam il-benefiċċji u jirranġa l-inġustizzji u semma’ li €11-il miljun ser jitqassmu bejn 6,000 persuna li fil-passat sofrew inġustizji fil-postijiet tax-xogħol tagħhom.

Il-Prim Ministru qal li s-surplus qed jispiċċa f’ċekkijiet lill-familji u semma’ wkoll li se jintraddu l-flus tat-taxxa żejda li tħallsu fuq ir-reġistrazzjoni tal-karozza bejn l-2003 u l-2007.

Dr. Muscat qal li l-Gvern jemmen li għandu jsolvi dawn l-affarijiet imma biex jagħmel hekk, l-ekeonomija trid tibqa’ trendi. Sostna wkoll li l-flus tas-surplus imorru għand il-familji li għandhom l-iżjed bżonn.

Il-Mexxej Laburista qal li l-punt kardinali li se jibqa’ jisħaq dwaru f’din il-kampanja hi l-logħba li qed jipprova jilgħab il-Partit Nazzjonalista biex ma jsirux elezzjonijiet fi 23 lokalità.

Il-Mexxej Laburista qal li b’kuntrast mal-Partit Nazzjonalista, il-Partit Laburista ma jibżax li jkun ġġudikat u jbaxxi rasu għar-rieda u l-verdett tal-poplu.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar