Kronaka
Il-Pulizija tfittex kompliċi fil-każ tal-kuntrabandu tas-sigaretti

Raġel tressaq il-Qorti u l-pulizija qed tfittex min kien kompliċi miegħu f’każ ta’ kuntrabandu ta’ iktar minn miljun u nofs sigarett bil-kuntrabandu. James Azzopardi ta’ 29 sena minn San Pawl il-Baħar ġie mixli fost l-oħrajn b’evażjoni ta’ kwart ta’ miljun ewro f’dazju, sisa u VAT. Azzopardi li ċaħad l-akkużi kontrih u ngħata l-ħelsien mill-arrest fuq depożitu ta’ tliet elef ewro u garanzija personali ta’ ħamest’elef ewro.

Il-każ żviluppa l-Ħamis li għadda kmieni filgħodu fl-inħawi tal-Veċċja f’San Pawl il-Baħar wara li l-pulizija interċettat lil Azzopardi waqt li kien qed iħott ammont konsiderevoli ta’ sigaretti minn dgħajsa u jgħabbihom f’vann. B’kollox kien laħaq ħatt mal-miljun sigarett – 40,000 pakkett.

Għalkemm il-pulizija rnexxielha tarresta lil Azzopardi fuq il-post, min kien qed isuq id-dgħajsa laħaq ħarab ‘il barra mix-xatt.

Id-dgħajsa li hija reġistrata fuq isem James Azzopardi, instabet marbuta ma’ baga f’nofs il-bajja tax-Xemxija lbieraħ filgħaxija mimlija b’iktar kaxxi tas-sigaretti tal-kuntrabandu. Huwa mifhum li fuq id-dgħajsa 28,500 pakkett ieħor ta’ sigaretti bil-kuntrabandu. Id-dgħajsa issa tinsab f’idejn l-awtoritajiet td-Dwana wara li ġiet skortata minn Patrol Boat tal-Forzi Armati lejn Ras Ħanżir. Il-pulizija għadha qed tfittex lil persuna li kien qed isuq id-dgħajsa.

Id-Dwana qalet li l-qabda ta’ miljun sigarett bil-kuntrabandu li laħqu tniżżlu l-art il-Ħamis filgħaxija f’San Pawl il-Baħar kellha valur fis-suq ta’ aktar minn €81,500.

Ara wkoll:

Tinstab abbandunata fix-Xemija l-powerboat li ħarbet b’sigaretti tal-kutrabandu

 

Aħbarijiet Oħra
Reliġjon

Minn għadd ta’ knejjes ħarġu l-purċissjonijiet bil-vari tal-Ġimgħa l-Kbira. TVM żar il-Bażilika Kolleġġjata fl-Isla fejn segwa t-tħejjijiet li jsiru minn wara l-kwinti qabel ħarġet waħda mill-eqdem purċissjonijiiet li jsiru bħal-lum…

Stejjer Umani

Gesmond Micallef ilu għoxrin sena b’riskju għal ħajtu jmur idewwi nies midrubin serjament fil-gwerer. Ftit tal-jiem ilu, is-sur Micallef li huwa infermier ngħaqad ma’ tim mediku Franċiż biex idewwi nies…

Lokali

Għall-Knisja Kattolika l-qofol tat-tifkira tal-Passjoni u l-Mewt ta’ Ġesù ntlaħaq kmieni l-Ġimgħa waranofsinhar fil-knejjes kollha, bir-rakkont tal-Passjoni skont l-Evanġelista San Ġwann, l-Adorazzjoni tas-Salib, u t-Tqarbin. Minn għadd ta’ knejjes imbagħad…

Lokali

L-arti tal-fotografija magħquda max-xogħlijiet artistiċi tal-uħud mill-vari tal-Ġimgħa l-Kbira f’Malta nġabru fi ktieb li ġie ppubblikat fl-aħħar jiem. Passjoni – Merging Art and Faith huwa l-isem tal-ktieb li jiġbor fih…

Aktar