Kronaka
Il-Pulizija tissejjaħ fuq argument għax klijent daħal fil-ħanut bil-kelb

Il-Pulizija llejla ssejħet biex tassisti f’argument li nqala’ f’ħanut tal-logħob max-xatt f’Ta’ Xbiex.

Il-Pulizija qalet lil TVM li kienet infurmata bil-każ għall-ħabta tas-6.00 tal-lejla, fejn għall-ewwel ir-rapport kien dwar attentat ta’ serqa.

Meta l-Pulizija tal-RIU marru fuq il-post iżda sabu sitwazzjoni oħra, fejn ħareġ li kien inqala’ argument minħabba li klijent daħal fil-ħanut tal-logħob bil-kelb, u allegatament irrifjuta li joħroġ barra minħabba fih.

Il-Pulizija qalet li s-sitwazzjoni ġiet ikkalmata u dawk involuti ttieħdu f’polyclinic għal xi ġrieħi żgħar li seta’ kellhom.