Barranin
Il-qattus ta’ Karl Lagerfeld jista’ jiret mal-€172 miljun

Kulħadd xortih fid-dinja u jidher li l-qattus ta’ Karl Lagerfeld għandu xorti tajba.

Chiupette għandu ċans li jiret mal-€172 miljun wara li sidu miet ilbieraħ fl-età ta’ 85 sena.

Waqt li d-dinja bkiet it-telfa ta’ Lagerfeld, l-attenzjoni issa daret ukoll fuq il-qattus li huwa wkoll ikona fl-industrija tal-moda.

Choupette għandu profil fuq l-Instagram ukoll u jsegwuh mal-120,000 ruħ.

Skont ġurnal Franċiż, Le Figaro, Choupette jista’ jiret mill-ġid ta’ sidu. Skont intervista li kien ta Lagerfeld, il-qattus huwa wieħed mill-werrieta tiegħu.

Huwa kien iħobbu ħafna lill-qattus tant li kif kien qal f’intervista li ta lil CNN fl-2013 kieku l-liġi tippermetti kien jiżżewġu.

Id-disinjatur tal-ħwejjeġ Ġermaniż kien imexxi l-kumpaniji tal-moda Chanel u Fendi u ta s-sehem tiegħu wkoll lill-kumpanija H&M.

Lagerfeld kien ilu bosta ġimgħat ma jiflaħx u tilef xi numru ta’ sfilati.

Ara wkoll:

Imut l-istilista Karl Lagerfeld

 

Aħbarijiet Oħra
Barranin

L-attriċi Emilia Clarke, li tinterpreta l-parti tal-prinċipessa Daenerys Targaryen fis-serje televiżiva Game of Thrones, żvelat li kienet f’xifer il-mewt waqt li kienet qed tinġibed is-serje. Clarke, li għad għandha biss…

Barranin

Il-Pulizija Ġermaniża arrestat 10 persuni fuq suspett li kienu qed jikkomplottaw attakk terroristiku. L-arresti saru wara li 200 uffiċjal tal-pulizija għamlu diversi raids f’Hesse u Rhineland-Palatinate. L-irġiel kienu qed jikkomplottaw biex…

Barranin

L-investigatur Robert Mueller li tħarreġ l-konessjonijiet u l-allegat influwenza li r-Russja kellha fuq l-eżitu tal-elezzjonijiet presidenzjali tal-2016, ikkonkluda r-rapport kunfidenzjali u ppreżentah lill-avukat ġenerali William Barr. Ir-rapport li jtemm investigazzjoni…

Barranin

Iżjed minn 5,000 ruħ attendew il-funeral u ċ-ċerimonja ta’ tifkira li saru fiċ-ċimiterju ta’ Memorial Park fi New Zealand għall-vittmi li nqatlu brutalment fl-attakk li twettaq fuq żewġ moskej fi…

Aktar