Barranin
Il-Qorti ġġiegħlu jħallas lura lil ommu talli għallmitu l-iskola

Qorti fiċ-Ċina ġiegħlet raġel iħallas lil ommu iktar minn €800,000 bħala kumpens għall-miżati li kienet ħallsitlu biex jistudja d-dentistrija.

Il-mara kienet rabbiet liż-żewġ uliedha subien waħedha peress li kienet iddivorzjata, u għalkemm xtaqet tħallsilhom għall-edukazzjoni, kienet tinkwieta li ħadd minnhom mhu se jieħu ħsiebha fi xjuħitha.

Għalhekk, meta uliedha saru adulti, iffirmat kuntratt magħhom li bih obbligathom iħallsuha lura l-miżati tal-università meta jkunu ggradwaw u bdew jaħdmu.

Filwaqt li binha l-kbir laħaq ftehim magħha u ħallasha lura somma inqas, l-iben iż-żgħir webbes rasu u sostna li l-ġenituri huma obbligati li jmantu lil uliedhom. Qal ukoll li l-kuntratt ma jgħoddx għax meta ffirmah kien għadu żgħir.

Qal ukoll li wara li ggradwa kien ħadem snin sħaħ fil-klinika t’ommu, u kien għenha tagħmel flus iktar minn dak li kien obbligat lejha.

Madankollu l-Qorti kkunsidrat li meta ffirma l-kuntratt ir-raġel kellu 20 sena, u ddikjarat li l-kuntratt kien jorbot, u li jrid iħallas lil ommu bl-interessi.

Aħbarijiet Oħra
Barranin

Fl-Italja, l-ex għarus tal-mudella Gessica Notaro ntbagħat 15-il sena ħabs wara li l-qorti tal-appell sabitu ħati li tefa’ l-aċtu fuq wiċċha. Edson Tavares nstab ħati li għamel dak l-attakk li…

Brexit

Il-Prim Ministru Ingliża Theresa May qed tkompli timbotta l-ftehim għal Brexit hekk kif għal diversi sigħat kien hemm ix-xnieha li minħabba l-ftehim Ministru ieħor fil-kabinett tagħha, Michael Gove kien qed…

Waqt il-Kafé

WAQT IL-KAFÉ… ma’ Joe Julian Farrugia   Il-mużika kulħadd iħobbha. Imma mhux kulħadd iħobb l-istess ġeneru. Fil-programm tiegħi fuq ir-radju ndoqq mużika popolari, l-aktar dik tas-snin tmenin. Iżda la tkun…

Stejjer Umani

Ġuvni Ingliż ta’ 22 sena jippreferi li joqgħod lura u ma jbus lil ħadd għax jibża li jista’ jmut. Oli Weatherall li huwa minn Surrey ilu mindu kien tifel allerġiku…

Aktar