Lokali
Il-Qorti Suprema Griega tiċħad it-talba għall-estradizzjoni ta’ Efimova lejn Malta

Fil-Greċja, il-Qorti Suprema kkonfermat is-sentenza li ċaħdet it-talba ta’ Malta biex Maria Efimova tiġi estradita lejn Malta biex tiffaċċja żewġ każi li għandha pendenti fil-Qorti, fosthom dwar frodi u akkużi foloz.

Efimova telqet minn Malta u naqset li tidher fil-Qorti, bil-Qorti Maltija titlob li tkun arresta. Eventwalment saret talba għall-ħruġ ta’ mandat ta’ arrest Ewropew biex tiġi estradita mill-Greċja fejn qed tgħix. Il-Qorti Griega qalet li l-każi li fuqhom hija mixlija Efimova mhumiex koperti mill-proċedura tal-mandat ta’ arrest Ewropew.

Efimova irrifjutat li tiġi Malta għax qalet li tibża għal ħajjitha wara li kienet waħda mill-persuni li allegatament għaddiet informazzjoni lil Daphne Caruana Galizia dwar tranżazzjonijiet finanzjarji fil-Bank Pilatus fejn kienet taħdem.

Aħbarijiet Oħra
Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar