Qorti
Il-Kaptan tal-Lifeline jista’ jmur jara lil ommu

F’digriet mill-Magistrat Joe Mifsud, il-Qorti tat permess lill-kaptan tal-bastiment MV Lifeline Claus Peter Reich biex għal żmien definit jmur il-Ġermanja biex iżur lill-ommu ta’ 92 sena. Il-kaptan Reich se jitlaq minn Malta nhar it-Tnejn u jerġa’ lura fid-29 tax-xahar biex ikompli jinstema l-każ kontrih.

Il-Maġistrat Mifsud impona diversi kundizzjoniijet fuq il-Kaptan Reich fosthom li jiddepożita €5,000 fil-Qorti, liema flus jgħaddu għand il-Gvern Malti jekk tinkiser xi waħda mill-obbligazzjonijiet. Il-Kaptan kien ordnat li kif jasal lura Malta jirraporta lill-Prosekuzzjoni u lill-Qorti.

Il-Kaptan Reich jinsab akkużat li kien qed jidderieġi l-bastiment Lifeline li ġabar l-immigranti miż-żona ta’ tiftix u salvataġġ tal-Libja bi ksur ta’ diversi liġijiet tat-tbaħħir fosthom fuq ir-reġistrazzjoni tal-vapur.

Fuq l-istess każ, il-Maġistrat Mifsud appella lill-midja biex fir-rappurtaġġ tagħmel differenza bejn dak li jingħad fl-Awla tal-Qorti u dak li jingħad fuq l-għatba tal-Qorti. Il-Magistrat Mifsud qal li kummenti li qed jinghadu barra m’għandhomx ikun rappurtati bħallikieku huma bħala fatti li fuqhom il-Qorti tiddeċiedi. Id-digriet jispjega li mhux minnu li kien hemm talba biex il-proċeduri fil-Qorti jsiru bl-Ingliż u lanqas huwa minnu li s-seduta dwar rikors li ressaq il-Kaptan Ġermaniż tħasret kif ġie rrapurtat f’xi sessjoni tal-midja.

Aħbarijiet Oħra
Annimali

Grupp ta’ għaddasa li niżlu jgħoddsu f’Wied il-Għasri u Reqqa Point f’Għawdex ġew wiċċ imb’wiċċ ma’ skart mhux tas-soltu mormi fil-baħar. L-għaddasa sabu għadd ta’ ġlud tal-fniek mormijin fil-baħar. Bil-kurrent,…

Temp

L-Uffiċċju Metereoloġiku fl-Ajruport Internazzjonali ta’ Malta qed iwissi dwar riħ qawwi li se jaħkem il-gżejjer Maltin. Ir-riħ mit-Tramuntana għall-Majjistral ser ikun qawwi għal qawwi ħafna kultant fuq il-Gżejjer Maltin. Din…

Politika Lokali

Fi stqarrija, il-Gvern ta’ Malta qal li nnota d-dikjarazzjoni tal-familja Caruana Galizia wara r-riżultati tal-inkjesta fil-każ ta’ Egrant fuq allegazzjonijiet li oriġinalment għamlet Daphne Caruana Galizia. Il-Gvern qal li huwa…

Aktar