Qorti
Il-Qorti tordna kumpens għall-inċident li kellu Owen Bonnici

Il-Qorti Ċivili ppreseduta mill-Imħallef Lawrence Mintoff, ordnat lill-Ministru Owen Bonnici jħallas is-somma ta’ kważi €67,000 lil raġel li laqat bil-karrozza privata tiegħu f’inċident li seħħ fl-2014.

Fl-inċident Alies Abdulhadi li dak iż-żmien kellu 26 sena ntlaqat mill-karozza tal-Ministru Bonnici, waqt li kien wieqaf maġenb il-karozza tiegħu barra l-mini ta’ Santa Venera. Il-karozza ta’ Abdulhadi kienet waqfet minħabba li żviluppatilha xi ħsarat.

Fl-inċident, Abdulhadi kien kiser parti minn saqajh. Il-Ministru Bonnici kien ġie eżonerat minn kull responsabiltà kriminali dwar il-każ, bil-kawza tkompli u tiġi deċiża fil-Qorti Ċivili.

Fi stqarrija il-Ministru Bonnici qal li huwa kien u għadu nxurjat b’mod sħiħ u l-ħlas se jiġi affetwat mid-dar tal-assigurazzjoni skont il-liġi. Qal li fil-proċeduri huwa ma għamilx oppożizzjoni għat-talba għall-ħlas ċivili u dan iffaċilita n-nuqqas ta’ dewmin fil-kawża.

Aħbarijiet Oħra
Qorti

Taljan ta’ 44 sena li joqgħod San Pawl il-Baħar ġie mixli b’serq aggravat bi vjolenza fuq anzjan ta’ 77 sena. Il-każ seħħ fl-aħħar tax-xahar l-ieħor minn stabbiliment fi Triq il-Ħġejjeġ,…

Lokali

Il-President George Vella qal li għandu riservi serji dwar il-legalizzazzjoni tal-marijuana rikreattiva. F’konferenza tal-Fondazzjoni Oasi, il-President stqarr li l-kannabis tista’ tkun ta’ benefiċċju għal skop mediku, iżda appella għal kawtela…

Lokali

Fil-Bajja tal-Balluta, bdiet tintuża teknoloġija ġdida biex ir-ramel minn qiegħ il-baħar jittella’ biex terġa’ tifforma l-bajja ramlija. Sandro Gatt, li huwa responsabbli mill-proġett f’isem il-Grupp Polidano, spjega lil TVM li…

Edukazzjoni

Wara li l-Ministeru għamel konsultazzjoni pubblika fuq l-uniformi tal-iskola mal-istudenti, l-għalliema u l-ġenituri, l-għażla tal-maġġoranza fost kull grupp kienet favur li l-uniformi tkun tracksuit komda u ta’ kwalità, inklużi poloshirt,…

Aktar