Politika
Il-verżjoni Russa dwar l-ajruplani militari li ma tħallewx itiru fuq Malta

Direttur fi ħdan il-Ministeru għall-Affarijiet Barranin tar-Russja, Maria Zakharova wieġbet għadd ta’ mistoqsijiet dwar il-kwistjoni li tmur lura għall-15 ta’ April, fejn ajruplani militari Russi ma tħallewx itiru fuq l-ispazju tal-ajru Malti.

Zakharova qalet li filwaqt li l-ambaxxata Russa f’Malta talbet skont il-liġi biex ittajjar minn fuq il-gżira 2 ajruplani militari lejn il-Venezwela, din ġiet miċħuda milli tagħmel dan mingħajr l-ebda spjegazzjoni. Hija rrimarkat li għalkemm tali deċiżjonijiet jibqgħu fid-dritt sovran tal-pajjiż, id-deċiżjoni tal-awtoritajiet Maltin tmur ‘il bogħod mill-prattiċi tas-soltu u għalhekk inħolqot mingħajr dubju ċertu ostilità.

Zakharova qalet li din il-kwistjoni r-Russja se tqajjimha waqt relazzjonijiet bilaterali bejn iż-żewġ pajjiżi. Hija kkummentat ukoll dwar xi artikli li dehru fil-midja Maltija li sejjħitilhom ‘redikoli’. Hija qalet li xi wħud mir-rapporti fil-midja Maltija għawwġu u interpretaw il-kwistjoni b’mod assurd filwaqt li ċaħdet kategorikament li r-Russja se toħroġ b’kampanja biex timmina lill-Gvern Malti waqt jew wara l-elezzjonijiet tal-Parlament Ewropew f’Mejju li ġej.

Hija kompliet tgħid li sfortunatament, din mhux l-ewwel darba li l-pajjiż ħareġ b’akkużi simili fil-konfront tar-Russja u kkritikat bl-aħrax lill-ġurnalisti li għawwġu l-fatti.

Intant, id-Dipartiment tal-Istat tal-Amerkan faħħar lill-Gvern Malti bid-deċiżjonijiet li ħa filwaqt li ħeġġet lil pajjiżi oħrajn jieħdu eżempju minn Malta.

Ara wkoll:

Ajruplani militari Russi ma jitħallewx itiru mill-ispazju tal-ajru Malti – rapporti

Aħbarijiet Oħra
Budget

B’reazzjoni għad-diskors tal-Prim Ministru fil-Parlament, il-Kap tal-Oppożizzjoni Adrian Delia qal li Joseph Muscat ma’ wieġeb xejn fuq is-sitwazzjoni tal-għalliema, tal-middle class, tal-popolazzjoni tiżdied, fuq il-problemi tal-banek u fis-settur tal-gaming. Fuq…

Ambjent

Il-Ministru għall-Ambjent, Jose Herrera, waqt li rtira l-emenda oriġinali tal-Gvern għall-mozzjoni tal-Oppożizzjoni, ressaq emenda ġdida li permezz tagħha l-Parlament Malti iddikjara emerġenza fil-klima, bil-Kumitat Parlamentari tal-Ambjent u Ippjanar tal-Iżvilpp jinbidel…

Budget

Il-Prim Ministru Joseph Muscat ħabbar li l-Gvern xtara Villa G’Mangia fejn kienet tgħix ir-Reġina biex fiha isir proġett turistiku. Waqt li wieġeb għall-kritika tal-Kap tal-Oppożizzjoni għall-baġit, Dr Muscat żvela li…

Immigrazzjoni

Il-President Emeritu, Marie Louise Coleiro Preca, qalet li s-soċjetà Maltija għandha tagħmel dak kollu possibbli biex toħnoq id-diskors ta’ mibegħda. Hija kienet qed titkellem fid-dawl ta’ rapport minn The Times…

Aktar