Lokali
Il-Vienna Boys’ Choir b’kunċert fit-Teatru Manoel

Il-koristi tal-Vienna Boys’ Choir illejla qed jagħtu kunċert fit-Teatru Manoel. Huma jinsabu akkumpanjati mill-Chorus Viennensis ffurmat minn tnax-il raġel li kienu jattendu l-istess skola mużikali. Dan huwa wieħed mill-iprem korijiet fid-dinja bi tradizzjoni li tmur lura sa nofs is-seklu ħmistax.

Jitqies bħala wieħed mill-aktar korijiet prestiġjużi fi Vjenna bi tradizzjoni li tmur lura għas-seklu ħmistax; li kien mwaqqaf b’digriet mill-imperatur Maximillian. Il-Vienna Boys’ Choir kien ikanta biss għall-imperatur u l-membri tal-familja rjali Awstrijaka; u baqa’ jagħmel hekk sal-ewwel kwart tas-seklu għoxrin meta l-kor kien stabbilit bħala fondazzjoni privata.

Tina Breckwoldt, kelliema għall-kor, spjegat li l-kor m’huwiex biss skola imma hija istituzzjoni li fl-imgħoddi attirat kompożituri bħall-Schubert u Haydn u li ħadem ma kompożituri bħal Mozart, Gluck u Bruckner. Il-kor jagħti madwar medja ta’ tliet mitt kunċert fis-sena, b’udejnzi li jlaħħqu n-nofs miljun ruħ. Spjegat li l-istudenti jagħmlu semestru minn tlieta jagħtu kunċerti madwar id-dinja ; u mill-1926, il-kor ta’ kunċerti f’97 pajjiż.

Qalet li l-filosofija tal-iskola hi bbażata fuq l-istudji mużikali bħala għodda kruċjali fil-proċess edukattiv li permezz tagħha jrawwmu ħiliet u abbiltajiet li jgħinuhom fl-iżvilupp kulturali tagħhom.

Il-kor huwa magħmul minn mitt korista – kollha subien – li huma mqassma f’erba’ sezzjonijiet li jakkumpanjaw orkestri prestiġjużi bħall-Orkestra Filarmonika ta’ Vjenna, l-Istaatskapelle Berlin, l-Orkestra Filarmonika ta’ Oslo, u l-Orkestra Sinfonika ta’ Pittsburgh taħt id-direzzjoni tas-surmast Riccardo Muti.

Il-Kelliema għall-Vienna Boys’ Choir, Tina Breckwoldt qalet ”ours is probably the choirs that tours the most … we’re quite proud to have been listed as an intangible cultural heritage by UNESCO, our traditional way of singing so that is quite a nice endorsement.”

Il-kor jinsab Malta fuq stedina tal-President, Marie-Louise Coleiro Preca biex jieħdu sehem f’kunċert fit-Teatru Manoel b’risq il-Malta Community Chest Fund.

Huma se jinterpretaw diversi siltiet li jvarjaw minn kompożituri klassiċi għal kontemporanji bi stili u varjetajiet differenti.

Aħbarijiet Oħra
COVID-19

Fl-aħħar 24 siegħa saru 1,071 test u minnhom ħareġ każ wieħed biss pożittiv. Fuq nota pożittiva fiequ 17-il persuna. B’hekk issa hemm 57 każ attiv u fiequ 554 persuna.

Kultura

Il-Ministru għall-Wirt Nazzjonali, l-Arti u l-Gvern Lokali José Herrera żar ix-xogħlijiet estensivi ta’ restawr u manutenzjoni li għaddejjin bħalissa fil-Palazz tal-Inkwiżitur ġewwa l-Birgu, liema xogħlijiet qiegħdin isiru waqt il-perjodu li…

Lokali

Il-proġett tal-pipeline tal-gass li se jgħaqqad Malta ma’ Sqallija wasal f’fażi fejn ġiet iffinalizzata r-rotta, kemm dik marittima, kif ukoll ir-rotta fuq l-art. Ir-rotta tal-pipeline tal-gass fiha madwar 151 kilometru….

Tfal

Il-Fondazzjoni għall-Ġid tas-Soċjetà nediet pjattaforma online fejn it-tfal jistgħu jaqsmu il-ħsibijiet u modi prattiċi li jiġu ffaċċjati kuljum minħabba il-pandemija u kif qed jirnexxielhom jegħlbu l-isfidi. Bl-iskejjel magħluqin u kostretti…

Aktar