Mużika
Il Volo mill-ġdid f’Malta

Għat-tielet darba ġejjin Malta l-grupp Taljan Il Volo. Fost il-kanzunetti li mistennija jkantaw fil-kunċert hemm dik li biha ġew fit-tielet post tal-festival ta’ Sanremo ta’ din is-sena, Musica che resta u l-iżjed kanzunetti popolari tagħhom.

Piero Barone, Ignazio Boschetto u Gianluca Ginoble mill-grupp Taljan Il Volo, se jkunu Malta għat-tielet darba. Din is-sena stess huma ġew fit-tielet post tal-festival ta’ Sanremo bil-kanzunetta Musica che resta.

Fl-2015 Il Volo kienu rebħu l-festival ta’ Sanremo bil-kanzunetta Grande Amore u matul il-karriera mużikali tagħhom kellhom kunċerti li fihom imlew l-Arena ta’ Verona u r-Radio City Music Hall fi New York.

Fl-aħħar xhur Il Volo bdew għadd ta’ kunċerti madwar l-Ewropa biex ifakkru l-għaxar anniversarju mit-twaqqif tagħhom bħala grupp, u l-album il-ġdid Musica. Malta hi waħda mill-pajjiżi f’dan it-tour b’Il Volo se jagħti kunċert bl-aqwa suċċessi taghhom għada l-Ġimgħa fiċ-Ċentru tal-Fieri u l-Konvenzjonijiet f’Ta’ Qali.

Aħbarijiet Oħra
Stejjer Umani

Omm Maltija ta’ żewġt itfal żgħar ilha sitt ġimgħat ma tara lil uliedha, u tisħaq li ma tafx x’sar minnhom. L-omm, li isimha mhux qed jixxandar fl-interess tat-tfal, ix-xahar li…

Kultura

Aktar minn 100 kwadru ta’ arti fil-Mużew Nazzjonali tal-Arti tneħħew minn posthom minħabba l-moffa li żviluppat fil-binja. F’kummenti lil TVM, il-Kuratur tal-MUŻA, Kenneth Cassar, spjega li l-opri tal-arti tneħħew minn…

Qorti

Raġel ta’ 31 sena li joqgħod Birżebbuġa wkoll ingħata l-ħelsien mill-arrest b’depożitu ta’ elf ewro u garanzija ta’ għaxart elef ewro wara li tressaq il-Qorti mixli li attakka, insulta, hedded…

Qorti

Raġel ta’ 26 sena mix-Xewkija li jaħdem fil-kafeterija tal-vapuri tal-Gozo Channel wieġeb mhux ħati li seraq €1,500 mill-basket ta’ mara li ħallietu warajha fuq mejda. Fil-Qorti, il-prosekuzzjoni ppreżentat filmati tas-CCTV…

Aktar