Kultura
Il-wirt arkitettoniku Barokk f’Malta apprezzat u diskuss f’simposju

Simposju li se jitlaqqa’ jumjen oħra, organizzat mill-istitut internazzjonali dwar l-istudji tal-barokk fl-Università mal-Ħbieb tat-Teatru Manoel, se jiddiskuti l-wirt arkitettoniku barokk imprezzabbli li Malta wirtet minn żmien il-Kavallieri bi preludju għall-Festival Internazzjonali tal-Barokk li jibda l-Ġimgħa.

L-era Barokka f’Malta ħalliet legat storiku u rikk ta’ wieħed mill-iżjed perjodi kreattivi tal-kavallieri . . . fl-arkitettura, fil-mużika u fl-arti.

Id-direttur tal-istitut għall-istudji barokki fl-Università ta’ Malta, il-Professur Dennis De Lucca qal li l-wirt arkittetoniku Barokk ser ikun evalwat f’simposju waqt il-festival internazzjonali tal-barokk li jibda fil-jiem li ġejjin.

Huwa qal li l-barokk għandu l-għeruq tiegħu fis-seklu sbatax, b’eżempji arkitettetoniċi bħall-kostruzzjoni tal-akwadott ta’ Wignacourt. L-era barokka kompliet tiffjorixxi u laħqet il-qofol tagħha fis-seklu tmintax meta nbew strutturi Barokki bħall-Berġa ta’ Kastilja u t-Teatru Manoel fost ħafna eżempji oħra tal-Barokk li jżejnu l-Belt Valletta.

Il-Professur De Lucca qal li kien hemm ukoll assoċjazzjoni diretta bejn l-ispettakli kulturali tal-era barokka u d-divertiment tal-poplu.

Il-Professur Dennis De Lucca qal ”kien hemm okkażjonijiet meta bliet sħaħ kienu jagħmlu spettakli biex jiċċelebraw xi ħaġa, ċelebrazzjonijiet per eżempju t-twelid ta’ prinċpijiet, il-mewt ta’ xi ħadd importanti, kien hemm ħafna spettakli attwalment li kienu jsiru bħala celebrations ta’ events importanti li kienu jsiru fil-perjodu Barokk.”

Żied jgħid li s-sistema politika ewlenija li kienet tiddomina fi żmien il-barokk kienet marbuta mas-setgħa u l-poteri tal-membri tal-aristokrazija li kienu jużaw il-kultura bħala l-mezz kif jiddistingwu ruħhom mill-popolin.

Aħbarijiet Oħra
Lokali

Il-ġurnalist veteran Reno Bugeja rrapporta għax-xogħol għall-aħħar darba mal-istazzjon nazzjonali wara karriera ta’ 44 sena. Is-Sur Bugeja se jirtira bl-età f’nofs dan ix-xahar wara li għall-aħħar seba’ snin mexxa l-Kamra tal-Aħbarijiet…

Lokali

Issokta r-restawr tal-fortifikazzjonijiet li jinkludu l-Ospizio fil-Furjana biex sas-sajf ta’ sentejn oħra jinfetaħ għall-pubbliku dak li qed jissejjaħ bħala l-ewwel mużew tal-arti kontemporanja f’Malta bl-isem ta’ MICAS. Il-proġett jinkludi fost…

Avjazzjoni

L-Air Malta kitbet paġna oħra fl-istorja tagħha meta ajruplan tal-linja nazzjonali tar għall-ewwel darba lejn l-Indja biex ħa lura f’Kerala 110 ċittadin Indjan f’titjira ta’ ripatrijazzjoni mħallsa mill-gvern. Tkellimna ma’…

Lokali

Il-Programm taċ-Ċittadinanza b’Investiment se jingħalaq u l-aġenti ġew infurmati biex ma jaċċettawx iżjed applikazzjonijiet. Minflok ser isiru regolamenti ġodda dwar ir-residenza b’żewġ saffi. Saff minhom jagħti dritt lil persuni li…

Aktar