Qorti
Ilaqqat 6 xhur ħabs fuq serq u abbuż tax-xorb

Żagħżugħ Libyan ta’ sbatax-il sena li ismu ma jistax jixxandar minħabba divjett mill-Qorti ntbagħat sitt xhur ħabs u kien ordnat li jagħmel il-programm tat-trattament għall-abbuż mill-alkoħol wara li nstab ħati li kkommetta għadd ta’ serqiet.

Il-Qorti semgħat kif iż-żagħżugħ intlemaħ jaġixxi b’mod suspettuż b’għadd ta’ dokumenti personali li ma kienux qed jaqblu. Meta ttieħed l-għassa tal-Pulizija rriżulta li kien l-istess persuna li l-Pulizija kienet qed tfittex għall-żewġ każi separati ta’ serq.

Il-Maġistrat Joe Mifsud qal li ż-żagħżugħ għandu jingħata ċ-ċans biex jibda t-triq it-tajba u mhux jibqa’ Malta biex joqgħod jisker u jisraq la ma riedx jew ma setgħax imur lura l-Libya.

Qal li kien għalhekk li se jtih sentenza ta’ sitt xhur priġunerija biex waqt li jkun il-ħabs iwettaq programm imfassal mas-servizzi tal-probation għall-kura biex joħroġ miċ-ċirku vizzjuż tal-abbużi.

Aħbarijiet Oħra
Tfal

Il-Kap Eżekuttiv tal-Awtorità ta’ Standards ta’ ħarsien Soċjali Matthew Vella qal dawn il-linji gwida jirriflettu verament dak li għandhom bżonn it-tfal u saru wara konsultazzjoni wiesgħa ankè ma’ tfal li…

Qorti

Illum issoktat l-inkjesta pubblika fil-qtil tas-Sinjura Daphne Caruana Galizia, liema inkjesta qed tistħarreġ jekk l-awtoritajiet setgħux jieħdu miżuri biex jevitaw dan il-qtil. It-tim legali tal-familja ippreżenta dossier dwar Josef Caruana,…

Kronaka

Żewġt irġiel ġew arrestati llum fuq suspett li lbieraħ kienu involuti f’aggressjoni f’Buġibba. Il-Pulizija qalet li kmieni lbieraħ, għall-ħabta tal-5.00am, fl-Għassa tal-Qawra daħlu żewġt irġiel barranin, b’wieħed minnhom bid-demm ħiereġ…

Saħħa

Anzjani u persuni b’diżabbiltà fil-Fgura u Ħaż-Żabbar ingħaqdu ma’ dawk ta’ Birkirkara u l-Mosta fis-servizz ta’ flebotomija minn darhom. Persuni li għandhom problemi ta’ mobbiltà qed jitteħdilhom id-demm għat-testijiet mill-kumdità…

Aktar